(أحبـك ) قلتهـا بقلبـي .. وباحساسـي وبلسانـي
كثير قلـوب ترجيهـا .. ولكـن لا يهمّونـك
(أحبك) ما أبي غيرك .. ولـو غيـرك ترجّانـي
أنا شاريك ما بيعـك إذا غيـري يسومونـك

أموت اشتاق لك كلي .. أبيـك تـزور أعيانـي
خفوقي يا غلا ينزف وله واشواق مـن دونـك
أطير من الفرح لا من لفـى صوتـك وحيّانـي
أحس اني أهم الناس لا من قلت : شلونـك ؟

ألوم النفس لا قلت : بكيت ومـا أحـد جانـي
أنا وش عاد يضحكنـي اذا العالـم يبكّونـك ؟

إلى منّك تضايقت .. أنا المسـؤول والجانـي
أنا المفروض ما أرضـى أخلّيهـم يزعلونـك



عليم الله لا قلت : ( أحبك ) .. زالت احزانـي
واذا قلت : ( أحبك موت ) صحت وقلت : مجنونك
غدير الحب في قلبك .. حنان ولهفـة اروانـي
أذوب بهمسة ٍ عذرا .. وأثبت إني مفتونك

أنا في دنيتي تايه .. ولا ادري ويـن عنوانـي
ويوم اني عرفتك صار عنواني هو : عيونك

أغار من امك وعمك .. وهذا وذاك .. والثاني
أغار من اصغر اخوانك ولا ودّي يشوفونك

منى عيني أضمّك لي وامســّــح ذيـك الاوجانـي
عيوني لو طلبتها .. لقيت الكـل .. هنّانـي
ترى روحي مع عيوني مناهم بس .. يرضونك

اللهم أسلمنا وجوهـنا اٍليك .. وفوّضنا أمورنا اٍليك والجأنا ظهورنا اليك .. رغـبة ورهـبة اليك لا ملجأ ولا منجى منك الا اليك .. آمنـّا بكتابك الذي أنزلت .. ونبـيك الذي أرسلت .