تهيض شعور الشاعر اللي سهـر مابـات
من ابيات شعر ٍ بالذهب صـدق مكتوبـه
على ( مدونة بنت ٍ ) قريت الذي هـو آت
(رياح الدهر تصرخ وهي تجرح اجنوبـه)
صحيح الذي قد قال ترى هالشجر مامـات
بقى شامـخ ٍ لـو الظمـا واقـف ٍ دوبـه
وانا شاعر ٍ لي حس مرهف بهاللحظـات
اعيش الشعر وألبس أحاسيس من ثوبـه
حروفي تنومسني ليا من طرت ثـم جـات
على هاجسي لا مـن تهيَـض و بسلوبـه
لو اني اعيش العمر ضيقه معـآ حسـرات
شربت القهر من يد حزنـي ومـن كوبـه
اغني واشوف الحزن واضح على النبـرات
سقانـي عنـاه وزوًد المـر مشـروبـه
اشوف الحزن ارضي واشوف المطر دمعات
وتنبت ورود الهـم فـي نفـس منكوبـه
على كثر مانشقى على الظيـم واللوعـات
تعيش المشاعـر داخلـي دون محبوبـه
يآ صدري تحمل ضيقتك و اكتـم الونـآت
ترى ونتك نـآر ٍ علـى الكبـد مشبوبـه
ويآحزن القصآيد مآبقـى دآخلـي آهـآت
وش اللي بقى في شآعر ٍ تآهـت ادروبـه
ويآجرحي ترفق لآ تنآدي بـدون أصـوآت
ابحط لـك فـي خآفـي السـر منصوبـه
أنآ أسمعك تنزف طعنة اللي طعنك وفـآت
زمآن العذآب وصآحـب ٍ بـآن عذروبـه
وصحيح الذي قد قال ترى هالشجر مامات
بقى شامـخ ٍ لـو الظمـا واقـف ٍ دوبـه