يا ليتني في زمان الهم والضيقة = جالس على ظل قربك وانت بقبالي
يغرق خيالي بطيفك ينشد الغيمة = وتسيل منها سيول الغيث سيالي
أنت الرذاذ العفيف اللي قفا الديمة = حتى ولو قل همله سار لأميالي
يا سيّدٍ ساد قلبي وافي القيمة = سار اللقا فيك نغمة وانت لقيالي
يا جعل همٍ يجيك ويخلق الظيمة = يفداه قلبٍ وعدك الهم شيالي
والله لولا المزا والذوق والشيمة = لأعلن غرامك على جيلك مع أجيالي
ماهو بعيبٍ هواك ولا ملازيمه = بس الغلا فيك ماهو حكي واقيالي
فديت قلبٍ زرع فيني مراسيمه = انزل غرامه على شطي وميالي