سر يا قلم واكتب على لوح الشرف إسم الشهيد=بمداد من دمه الزكي وخلّد فـي المـلا ذكـره
عزّ الله ان الموته اللي فـي سبيـل الله اكيـد=هي منية المسلم ولكن من يفوز بهـا عمـره
له في جنان الخلد من حـور ونعيـم لا يبيـد=واي الثمن روحن بذلهـا للفـدا بـلا شهـره
يا سعيد تهناك الشهاده أنت واحمد بن سعيـد=يومنّ غيركم جتْه المنية مـا علـم بـا مـره
نزلتم الميدان يـا شجعـان ناويـن الوعيـد=ثمن تقدمتم إلى الهيجا ما حدن عطـى ظهـره
يا الله تحسن العـزا لنـا ومـن أنتـم فقيـد=له من أهاليكم ويزيد في صبره وفـي أجـره
والله يحفظ ابن صوعان ويعيـده مـن جديـد=وان كان بن محسن أسير اتفكه يالله من أسره
ويا الله تشفي سلطان ابن ظاهر وعمره مديـد=وتلبسه ثوب العفـا امـن البـلا ومـا ضـرّه
رفعتوا روسنا بين المـلا كلـن بكـم يشيـد=يا فخرنـا بالأوسمـه كـلا تقلّدهـا صـدره
ليس الفخر لا بني عمر لكـن تعـدّى للبعيـد=لرجال الحجر والجيش السعودي زاد ابكم فخره
ولا غرابه يا العمارى أنتـو تاريخـن مجيـد=قومن صلابن كم لحرّابن منكـم غـدا عبـره
تشهد لكلم ليّه وفي المطلى من الماضي التليد=إن الشقي هو الـذي بيديـه ذا حفـر قبـره
واليوم في جبل دخّان ذا قيـدن كتـب جديـد=رجع بذكرانـا إلـى بطولاتـن مضـت كـرّه
يا الله تنصر جيشنا فـي كـل واد وكـل بيـد=على الحوثي وكل من بغى واضمر لنـا كفـره
وعمّنا بالخير زدنـا مـن عطايـاك المزيـد=واحفظ لنـا حكّامنـا والباغـيَ اكفنـا شـرّه