الغلا قصه عجيبه تبتدي بضحكة عيون


قصه فارسها مشاعر نابضه بأغلى غرام


نصها((كلمة أحبك ياحبيبي للجنون))


تنطلق من قلب عامر بالمحبه والسلام


هذي هي قصة غرامي يوم جيتك ياحنون


مابقى شي بكياني غير حبك بإحترام


جيت لك تضحك شفاهي بإبتسامات الجفون


جيت لك والقلب غارق في عبارات الكلام


ماتصنعت المشاعر لأجل ابرهن من اكون


كان همي اني آصل ساحلك ياأغلى مرام


أبتسم ساعة أشوفك وانسى ايام الشجون


واتخذ لأجلك مساحه في مواعيد الزحام


لاتلاقينا وشفتك قاسي الغربه يهون


والفرح يسري بدمي ويخترق صلب العظام


وان تفارقنا دقيقه مالت اوراق الغصون


والدقيقه في عيوني شفتها الفين عام


الغياب ياهو غيابك صب لي كاس المنون


اشربه ظلم وتجني وارتوي به بإنصدام


الغلا ماهو حكايه تعتبر ضمن الفنون


الغلا عشته بقلبك ياقمر وسط الظلام

اللهم أسلمنا وجوهـنا اٍليك .. وفوّضنا أمورنا اٍليك والجأنا ظهورنا اليك .. رغـبة ورهـبة اليك لا ملجأ ولا منجى منك الا اليك .. آمنـّا بكتابك الذي أنزلت .. ونبـيك الذي أرسلت .