يا تربة الدين واطهر ما خُلق من بِقاع=يا موطن السلم وكتاب الهدى والِهمَم

يا منبع النور يا مكسب طويل الذراع=يا داعي المنبر اللي في هتافـه أُمـم

يكرم جنابك ويحشم من تسلل رعاع=القذر ماله على خدّتك موطأ قـدم

هو يحسبنْ الفخر بأهون وسيله يباع =والا يحسبَ انها فرصة لبيـع الذمـم

والا يحسَب انها خطة لفرض الصراع=والا تداول سوالف بين لاآء ونعـم

والله ليصبح غنيمه في حلوق السباع=وأنّه ل/يشتالها بين اللحـم والعظـم

مايدري انّا على دحر الضلاله جياع= وأنا على ريحة البارود فينـا ضـرم

الله وآكبر هجوم الله وآكبر دفـاع=أتطيح روس الرجال ولا يطيح العلم

حلق الثنيه يّقربنـا لحلـق الربـاع=وصوت المدافع يرقيّنا بروس القمـم

لمعانق الموت فينـا هبـةٍ وأندفـاع=وفي دفنة الشرّ وأربابه سطارة شيـم

أرواحنا في سبيل الله مهـر ومتـاع=غير الشهاده وطعم الموت مابه حكم

أنْ البواسل ليا هبو ْ لفـض النـزاع=هم يستحقون قولة فالمجالـس نِعّـم