الوطن حقه علينـا مـا نطيـع=فيه من يبغي وللشيطـان طـاع
والله إنـا دونـه السـد المنيـع=بالقلم والدمّ ما نخشى الصـراع
من كبير السن (ل) الطفل الرضيع=نرجع الصاع الوحيد الفين صاع
خبّر الحوثي أبو راسـن وضيـع=جاه من ينويه قطعـن واقتـلاع
عوّد لمنفاك لا تسـوي شجيـع=ليس دونك غير موتن ما يصـاع
حن مع الطيب كما حملن وديـع=والعدو مثل الضواري من السباع
واسأل اللي شاهدن يوم الوقيـع=يوم دكّينـا الجماجـم والقـلاع
والجيوش الهاربة ظلـت قطيـع=وبعضها صارت طعامن للجيـاع
ولا غرابه منك يالشعب الرفيـع=انتو احفـاد الصحابـة لا نـزاع
موطني يا قبلـة العالـم جميـع=فيك بيت الله وطيبـه باجتمـاع
وفيك مولد احمد الهادي الشفيـع=ومبعثه با لوحي والنور المشـاع
وفيك تطبيق الشريعة لا الذريـع=كل مسلم يمشي دربه با قتنـاع
والعدالة فيك رمزن مـا يضيـع=حق إنسانن يظن الحـق ضـاع
وانت فيظن أنـت نبـت للربيـع=وانت خيرن للبشر زمجـر وذاع
تحت ظل آل السّعود احنا نذيـع=كل طاعـة و ولاءن واستمـاع
الملوك اللـي كرامـن بالصنيـع=الأسود اللي لهم في الحرب بـاع
يحفظون الأمن والسيف البريـع=للبغاة اللي بغـوا درب الضيـاع
واللي يبغون الفتن فينـا تشيـع=فيهم ابليس اشترى الذمه وبـاع
جعلهم بالموت يصرعهم صريـع=من دعاة العولمه أهـل الخـداع
والغلاة اللي مـن السنـه خليـع=روّعوا الآمن بجهلـن واندفـاع
والختام ادعيك يا لرب السميـع=تحفظ الدوله ومن في الخير ساع