يا هوه , يا كشخه .. دموعك زادتك عندي وقـار
أدخل على الله , من دموع العين و اللـي صبّهـا




تعال و أضحك .. و اِترك العالم ورى سور , وجدار
و ان سالت الدّمعه من عيونك غصيبـه .. غبّهـا




تكفى , فديتك .. قل لدمعك لا يزيـد الانهمـار
تراه يجرحني , و لو طـاول ضلوعـي .. شبّهـا




خل البكا لعيونـي الثنتيـن .. و اشعلهـا شـرار
و ان كانها ما ترضي غـرورك .. تعـال وعبّهـا




حرام تبكي , و أنت في قلبي لك أقمار .. و مـدار
و أغصان روحي كل ما ذعذع نسيمـك .. هبّهـا




في كل حاجه لي قرار .. ألاّ أنت مالي بـك قـرار
أفرغت لك قطعة من أقصى الـرّوح محـد ٍ طبّهـا




غصبٍ على قلبي .. بلا تفكير , و بـدون اِختيـار
أصبحت تسكن داخل ضلوعي , كذا مـن ربّهـا




فاِن شفت روحي تنتظر لقياك .. وتمـوت انتظـار
خذها بيدها ... واقفل عيونك علـيّ , و خبّهـا




ما اعاد ابي من لذة الدنيـا .. بيـاض و لا سمـار
غير " أنت" يا آخر من تعدّى فالحـدود , و نبّهـا




شلت البيارق واِنتزعت الفوز , و اجتحت الديـار
والعالـم اللـي تنتحـل فعلـك خفوقـي كبّهـا




أغليك من قلبي , و أحبك و أعترف سرّ و جهـار
و محبتك تكبر , و يصغر من ظلمـك .. و سبّهـا




هاك المشاعر , و القصايـد , والموانـي , والمنـار
و الروح , وايتام الخفوق , اللي تشوفـه .. ربّهـا




تدري من المسكين , في هالكون كلّه , باِختصار.؟
اللي تحبّه روحك العذبه .. وهـو مـا حبّهـا .!

باِحساس / عبد الله بن ذويبان .

تحايًا وَ تقدير