بيانات اضافيه [ + ]

رقم العضوية : 14540  تاريخ التسجيل :  Jul 2008  أخر زيارة : 05-28-2018 (04:10 PM)  المشاركات : 2,382 [ + ]  التقييم :  1

لوني المفضل : Cadetblue

السلام عليكم ورحمة الله وبركاته
تقرير مصور لزيارتي لجبل قارة بالاحساء يوم الخميس 5/11/2009
طبعا مناسبة الزيارة كنت انا وواحد من الشباب يوم الأربعاءفي تحدي يقول انه مستحيل الكهوف إلي بجبل قارة تكون باردة في الصيف ودافئة بالشتاء المهم الرجال قال وش رايك نروح بكرة ونشوف بأنفسنا طبعا أنا الريوس عندي مفصول من زمان قلت له يالله بعد صلاة الفجر مرني. حركنا من الرياض الساعة 5.30 الله الله وعلى هيال من الدروب وصلنا الاحساء الساعة 7.50 تقريبا وهذه صور يوم دخلنا الاحساء وكان الجو غاااااااائم وروعة.

المهم واول ماد خلنا وأشوف لوحة مكتوب سوق القيصرية وأنا اقعد أتذكر الاسم هذا مو غريب علية وفي الأخير تذكرت أغنية لعيسى الاحسائي يوم يقول:

على اللي لاتمشى باعتدالي*** ودخل في العصر سوق القيصرية

قلت اجل لازم نروح السوق أول ونشوفه أكيد انه سوق شعبي قديم ولكن للأسف طلع السوق هدوه وقاعدين يبنونه من جديد على الطراز القديم.

طبعا لفت انتباهي أنا وخويي كثرة القلاع والقصور القديمة الموجودة في الهفوف والمبرز والكوت الي أعمارها أكثر من 400 سنة قلت اجل لازم نصورها ومنها قصر خزام وقصر صاهود وقصر ابراهيم

بعدها رحنا السوق الخميس الشعبي وسوق التمر وللاسف ماصورنا فيه لاننا تعرضنا لموقف محرج بعدين اقلكم وشهو
المهم رحنا على الساعة 2 الظهر عشان يكون الجو حار ونشوف كيف الجو داخل المغارات الي موجودة قعدنا حوالي ساعتين نلف ونطلع نبغى طريق قارة وظيعنا لانه طريق صعب وبين مزارع وبالاخير وصلنا الحمد لله وهذه الصور بالترتيب

وبلفعل سبحان الله اول مادخلنا كانه مكيف صحراوي مدخل المغارة