أنـا عرفـت الحـب
أنـا عرفـت الحـب يـومٍ عرفتـك
ومن قبل أعرفك والهوى ما صفـا لي
أحلف برب البيت مـاشـفـت مثلك
إنتـه فـريد النـوع بـأول وتالـي
ما ينحسب عمري ومافـات قبلك
وكل الدقايق ضايعه في خيالـي
ومن يوم ضحكت لي أسارير وجهك
استبشرت دنيـاي يـا راس مالـي
أكتب حروف الحب يـا شوق لجلك
والله مـا غيرك على القلب غالـي
يـا غالي قلبـي يـحـنّ وقرب لك
وقربك هوى قلبـي وراحات بالـي
|