كلام ابو فهد صحيح
والاهم من كل ذا اذا اكتشفت من اللي ياخذها لا تفضحه في البيت لكن تاخذه على جنب وبينها وبينه تحاول تعرف اش يخليه يسوي كذا
وفي ايش محتاج الفلوس وتعلمه انها رح تساعده لو كان محتاج الفلوس فعلا في شي مهم

فيه ام كانت تفقد فلوس واكسسوارات وعطور وساعات واشياء مما خف حمله ومولازم غالي لكنه من اشياءها
الى درجة انها فقدت حلق من طقم ذهب صغير وناعم
فتشت وتحرت وتخبت في الدولاب علشان تشوف مين السارق
طلع ولد من اولادها عمره 12 سنه وكان على قولته يحب بنت جيرانهم اللي استغلته وخلته يجيب لها هدايا
لما راحت الام تشوف ذا البنت لقيتها بنت لعابه عمرها فوق العشرين وكان تستغل البزر المسكين علشان ترضي واحد هي مصاحبته
يعني مصيبه مركبه
كان خطاها الكبير انها ضربت الولد ضرب غرائب الابل والنتيجه انه انحرف وماخلى شي ما سواه

معالجة الخطأ الكبير لازم تكون بهدوء وعقلانيه وتروي شديد

الله يعينها ويهدي الجميع

يعطيك العافيه