البيت :-
- كم رقم ترتيبك في الأسرة؟
الترتيب رقم 5
- من هو الاقرب لك من أعضاء أسرتك؟
أخي الأكبر
- حدد أهم الأمور التي تقوم فيها وانت في البيت؟
إذا كنت في الديره عند الأهل أكيد قضاء مايحتاج البيت والأهل من لوازم
وإذا كنت في الوضع الحالي في شقتي أهم ماعندي النوم
- اكله تحبها كثيرا..؟
المكرونه بشكل غير طبيعي
- مشروب يستهويك دائما؟
توربيكانا
- ماهو الطلب الذي تطمع به من أسرتك ولم يتحقق حتى الآن؟
إن الوالده توافق تجي تعيش معي في الرياض لكن ماهي راضيه تقتنع
- عندما تشاهد التلفاز : ماهو ابرز مايستدعي انتباهك وتحرص على متابعته؟
يعني بعض البرامج التعليميه في بعض القنوات وأيضاً الأخبار والرياضه وفي نفس الوقت يعتبر من آخر أهتماماتي ..!
ماهي أوقات النوم المفضلة لك؟
متى ماودي أحط رأسي وأرقد رقدت .. قصدي نمت ..!الحياة :-
- حكمة تؤمن بها كثيرا ؟
قد لا تكون حكمه وإنما أبيات شعر من بين قصائد أبوالطيب المتنبي
قال فيها
على قدر أهل العزم تأتي العزائم
وتأتي على قدر الكرام المكارم
- احب الالوان الى نفسك ؟
في الغالب الأزرق والألوان الفاتحه
- دولة تتمنى ان تسافر اليها ؟
فرنسا في القريب إن شاء الله
- ماهي الوظيفة التي تتمناها لنفسك؟
ماكل مايتمناه المرء يدركه ولا كنت مدير ارامكو الحين خخ
- حدد اسم اليوم الذي تحبه واذكر السبب؟
أهم شي مايكون فيه عمل ( يوم الخميس )
-حدداسم اليوم الذي تكرهه واذكر السبب؟؟
السبت ياثقل دمه
- حدد نوع سيارتك المفضلة ؟
الكابريس
- مكان يعجبك كثيرا وتتردد عليه دائما؟
في الرياض مقاهي الكوفي شوب في الغالب
- أقرب الاصدقاء الى قلبك ؟
والله الحمد لله كثيريييييييين
المدرسة :-
- مدرس لازال في ذاكرتك .. ولماذا؟
مدرس اللغه العربيه في ثاني متوسط الله يوفقه وين ماكان
بس كان قمة في العقلانية والتعامل مع الطلاب إلى درجة إن الطالب يحس إنه صديقه هذا المعلم ..!
- مواد دراسية تحبها كثيرا ؟
والله مواد العربي بشكل عام
- مواد دراسية تكرها كثيرا؟
المواد العلميه الرياضيات وما يتبعها
- حدد بالضبط موقع جلوسك في الفصل؟
ثالث واحد في الصف الايمين
- ماهي احب المراحل الدراسية الى نفسك؟
الابتدائيه قد تكون الأفضل ( كانت كلها براءه )
- ماهو ابرز عقاب مر عليك طوال فترة الدراسة وباي سنه؟
ههههههههههههههه
الله لا يبارك في ذاك المدرس أذكر زمان كانوا يشغلون الدفايات في البرد
وإحنا في الابتدائي وقاعدين نلعب ونتطارد أنا والشباب في ثاني ابتدائي وكسرت فيش الدفايه
وأمتحني المدرس اللي كان مسؤول عن الفصل كل يوم كان يضربني بمسطره كسر ايدي عشان
أجيب الفيش وعااد تخيلي واحد في ثاني ابتدائي كيف يعرف يجيب الفيش خخخخ ولا وده يدري ابوه
إنه سوى شي غلط ..!
طبعاً قعدت أجمع في ريالات معي إلى أن وصلت عشره ريال واعطيته العشره قلت
رح اشتر فيش والله ما أعرف اروح السوق وفي نفسي اقول كسرو لحيه خخخخخ
- هل حصلت على شهادات تميز خاصة وفي أي سنة؟
شهادة تفوق في ثالث ابتدائي
- سنة دراسية تعد هي الأجمل في حياتك؟
أحس إن السؤال تكرر فوق إذا ما كنت غلطان - موقف محرج حدث لك في المدرسة؟:
زمان يوم كنا نأخذ الفسحه معنا من البيت كان في جيبي عصير الواحه
وانفقع في جيبي واغرق الثوب وطلع منظره يفشل لكن يبقى له ذكريات لا تنسى ...المنتدى...
- عضو تعلمت منه الكثير ؟
الأقلام التي تحاورت معها من فتره طويله ...
ـ عضو ودك تعلمه ؟
مافي بالي أعلم أحد اللي وده يتعلم فإنه يعرف كيف يتعلم - عضو لا تتمنى ان يغيب ابدا ؟
كثيرييييين غابوا كنت أتمنى أن لا يغيبو
- عضو مشاغب ؟
طلولي وهتان العمده والبيك ومجموعة الانس قبل كذا سنه الله يردهم بالسلامه
- عضو يعتبر الاميز في نفسك ؟
أبو ريان ربان المركب
- عضو يثير اهتمامك ؟
الأعضاء الجدد
- عضو تعرفه خارج المنتدى ؟
بني عمرو كلهم خخ الكثير والله وحصل لي الشرف
- عضو تكونت لديك علاقة معه عن طريق المنتدى ؟
العلاقات تختلف مابين طرديه وعكسيه
ولكن العلاقات مع الجميع أحترام وتقدير وصداقه ومحبه ورفقه كأني بين أخواني
- عضو اكتشفت مؤخرا انك لم تعامله باهتمام ؟
لا أجد له إجابه اسمحيلي
- عضو ترى ان لديه امكانيات كبيرة ولم يقدمها حتى الآن ؟ا
كل عضو يقدم بقدر الاستطاعه ويشكر على مايقدمه ..تمنى الكل يشاركـ
راقت لي وقمت بالإجابه عليها
وهذه مشاركة أتمنى أن أكون وفقت في الاجابه على أسئلتك
ولك أصدق وأطيب التحايا ..!
أخوك أبومانع ..!^.^
|