السلام عليكم ورحمة الله وبركاته
عذرا لكم اخواني واخواتي .. طول الغياب
ولاني طولت حبيت اعطيكم اخر قصائدي .. وبعض خواطري
فاتمنى ان تعجبكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
القصيدة ::
انا اللي شال جمره .. في يدينه .......... ويبكي دم من شدة لهبها
رفعها ... ما تقاوت راحتينه .......... وفجأه تاه وبصدره يـهـبها
عبس وجهه وندت له.. جبينه .......... وطاحت ظحكته مما غلبها
وبخدوده ... عدى همال عينه .......... ويمسح غازرة عينه هدبها
ألا يا ناس : يللي ناشدينه ........... عن البسمه وعن شي ٍ سلبها
وردَ : ويسبق احروفه حنينه .......... أنا روحي مع خل ٍ .. نـهبها
بوصيكم : عساكم .. شايفينه ......... يروف بروح من يوقد حطبها
وقولوا له : ترى حالي حزينه ....... وكاس المر باسبابه ..شربها
ولو تطرب على ذكرى سنينه ........يجلي همها .. عاذب... طربها
أنا اللي شال جمره في يدينه ........ ويولع . في شرايينه ... لهبها
عساكم يا عواذل ... عاذرينه ........ فأنا من شالها وآآنا .. سببها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
بعض الخواطر :
أنا بحر .. أنا بحر ..... يا ناس قلت .. آنا بحر
يعني حويت من العجايب ..والدرر ... ما لاذ .. لي
يعني "شعر" جاني قدر والخلق في كف القدر
شاعر .. وأرى شكل الحسد يطغى بضحكة عاذلي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
كتبت لعيونك من الشعر بيتين
بيت ٍ يسلي الروح وآخوه عله
البيت الاول حكينا بيننا بين
وتقول أنا "ثرثار" واقول لله
والبيت لاخر يوم قفيت يا زين
تركت جرح ٍ في شفاتك دوا ً له
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
البارحه قلبي هوى لاجمل الغيد
عوايده ؟ كم من وعور ٍ وردها
مالي بحب الغيد قنص ٍ ولا صيد
لين اقبلت تنزع وريدي ..بيدها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
تحياتي ...
الشاعر : غارم العمري