كاتب الرسالة الأصلية العناااا وفاء ... اولاً : العنوان جذاب جدا ثانياً : اسلوبك القصصي مرة حلو بس والله انا مستغربة الفكرة ... يعني احسها مو واقعية ياوفاء بصراحة مافي واحد يروح يبكي عند زوجته ويقولها هالكلام ابدا ابدا وبعدين احساسه مختلف مركب ... في المرة الأولى يقول تسلية وبعدين يرد يبكي ؟؟؟ انسان يقدر يفكر بالطريقة هذي مايبكي في النهاية مدري انا احس كذا الفكرة غريبة بس تدرين اني احب قصصك صح ؟ يعني اتمنى مايضايقك ردي ياوفاء والله كلمتك بصراحة وبعد ياليت والله يكون فيه مكان للقصص في المنتدى بس عشانك ... انتي المشرفة وانتي الكاتبة واحنا المعجبين يعطيك العافية اختي وتقبلي مني ... أرق التحاياااا اختك العناااا

هلا العنااااااا

انا برد عليج قبل سما وقبل بوفارس

بس انا بوضح لج

الرجل دائما بطبعة يعتقد نفسة قوي او بمعني اصح انه لمه يكثر من العلاقات خاصة بعد الزواج في نظرة انها تسلية بس بمرور الوقت إلا شعوريا يتعلق في الانسانه اللي ارتبط فيها لانه يمكن يكون حصل معها اللي ما حصله مع زوجته اللي يمكن تكون انشغلت ولو 1% مع اولادها على سبيل المثال

ويمكن هنا هو مقهور لانه هي من خانته وما حس بخيانته الكبيرة لزوجته وهذا من انانية الرجل وحبه لنفسه وبس

الفكره ما اقولج انها ممكن الكل يتقبلها او يدخلها عقله بس هذي فكره غريبة طرت على بالي وكتب فيها واكيد اني ما كتبت عن واقع مائة بالمائة لكن بعد ارجع واقول لج فيها 50% واقع (لانه عالم الرجال عالم مخيف ) واسرار البيوت غريبة وعجيبة وفيها اكثر من شئ فوق خيالنا كبشر ما نصدقة غير لمه نعيشه


تسلمين اختي العنا وبالعكس ملاحظتج ما ضايقتني بكثر ما هي عطني فرصة اوضح القصة والابهامات اللي كانت فيها


تحياتي لج


اختج الوفا