الوعد باكر..!!
لو تأخرتي.. لايجي باكر!!
~//~
ما أبي باكر بدونك..
أحبسيني في عيونك..
وأوعديني بعد باكر..!!
~//~

أنا ظلّي تحت شمسك..
لو تغيبي ماهو ظلّي..
وأنتي إسمك ياحياتي..
يهمس لـ بعضي لكلي..
~//~
أهـ ياضعفي وغروري..
أعدلي فيني وجوري..
أصدقي وراعي شعوري..
وأوعديني بعد باكر..!!
~//~

هذا طيفك في عيوني..
مارسمته .. لاوربّي..!!
واللي يصرخ في ضلوعي..
هذا صوتك ماهو قلبي..
~//~
أهـ ياشمعة وجودي..
أشعلي نارك في عودي..
أهجري قلبي وعودي..
وأوعديني بعد باكر..!!
~//~


بدر بن عبدالمحسن