ياحبيبي ترى القلب بعدك سرح وانجرح جرح ما شفـت مثلـه جريـح..

المحبـة تجـر المواليـف جـر الشـجـر وأنــت الأرواح جريتـهـا

أنت سبة جروحي اللي جت وارهجت رجة العمر وإن جيت أبا أقوم.. أطيح

صابني سم من طعـم سمسـم نسـم وانقسـم نصـف روحـي وناديتهـا

قلت يا سيد البيض يا أبيض غضيض الحضيض الذي عاشـرك يـا مليـح

عشرتك تنشـرى بالذهـب يـا ذهـب ذا وإذا ذابـت الـروح وأوذيتهـا

قال يا مرحبـا دق راس الجـرس والحـرص لا تسولـف بعلـم فضيـح

احفـظ الـراس بلبـاس والنـاس لا تطلـع رحـمـة فـيـك سويتـهـا

قلت يا ناعس الطرف وش ذا الجفا ما صفى الجو حتـى معـك نستريـح

قال من جرب الحـب يلقـى الشقـا مـا بقـى غيـر رجلـك وعنيتهـا

قلت من شافكم ياسمي البحـر انتحـر وأرخـص الـروح علـمٍ صريـح

صابـر مثـل صبـر الجمـل للحمـل ليـت الأقـدام سـارت وسريتهـا