10-10-2009, 09:05 PM
|
#137
|
|
بيانات اضافيه [
+
]
|
|
رقم العضوية : 14401
|
|
تاريخ التسجيل : Jun 2008
|
|
أخر زيارة : 08-27-2013 (03:35 AM)
|
|
المشاركات :
4,090 [
+
] |
|
التقييم : 1
|
|
|
لوني المفضل : Cadetblue
|
|
الـــذاهبــــه
الله اللـي راد والعقـده قضاهـا اللـي عقدهـا لا على الدنيا سـلام ولا لباقـي العمـر زينـه الفضـا مـا كنّـه إلا خميـةٍ طاحـت عمدهـا والفـرح مـا كنّـه إلا شيـخٍ انقصـت يدينـه والعمر قطعة زجاج إنكسرت ولا طـال أمدهـا والعرب في العيـد بدمـوع اليتامـى مستهينـه والشوارع لفّهـا ثـوب الظـلام اللـي هجدهـا والبيوت أطلال مـن عقـب المحبـه والسكينـه والشتا والليل والبـرد وسمـا يصـرخ رعدهـا والعيون اللـي ورا الشبّـاك مذعـوره حزينـه طوّلوا في الكهف الأصحاب وبقت روحي وحَدها كنّها فـي كوكـبٍ ثانـي خـلا مـن ساكنينـه الوداع اللي بعلـم العيـن يعْبَـر مـن رمدهـا والوداع اللي بلا علم لقفـص صـدري غبينـه والوداع اللي بـلا رجعـه علـيّ أمـرّ وأدهـا والله إنّـه غرغـرت سـمّ وسكاكيـنٍ سنيـنـه والعنود اللـي جفيـت النـاس والدنيـا بعدهـا مـدّت الفرقـا لغاليهـا وهـي تعطـي الثمينـه وينها كيف تركتني ليه مـا جـت فـي وعدهـا والقمر لي طـلّ خابرهـا تجـي بينـي وبينـه رحت أنادي وأتلمّس فـي مهـب الريـح يدهـا كني حصانٍ بلا صاحـب طـوى البيـدا حنينـه رحت أصيح الصبح وينه والعرب ما ردّ أحدهـا ما سمعت إلا صدى صوتي يقول الصبـح وينـه كنّهم من يوم ذيك الشمـس غابـت عـن بلدهـا طلّعوني في النفـود وصكّـوا أبـواب المدينـه كنّهم مـن يـوم ذيـك الذاهبـه محـدٍ وجدهـا كل رجالٍ من الشرهه قلع فـي الـدرب عينـه أثرها ماتت وماتـت كـل فرحـه فـي مهدهـا والربيع أقفت بـه اللـي كانـت التـاج لجبينـه جاورت عقب الحدايق حفـرةٍ مااقسـى لحدهـا حفرةٍ مانـي مصـدّق كيـف ضمـت ياسمينـه للحزن فيني مثـل مـا للطهـاره فـي جسدهـا وش أسوي لا فتشت اللي لهـا وسـط الخزينـه زخرفت حلم وبنت له مسكـن وسمّـت ولدهـا آه لـو غـرّد ولدهـا فـي خميلـة والديـنـه عاهدتني واظفرت بيميـنٍ أقـوى مـن عهدهـا والصبي لا خير فيه إن كـان مـا نفّـذ يمينـه ماتِتَقَّـى عـن رثاهـا عـرقٍ أكتـظ بشهـدهـا ولا تبقى خلف قضبان الجفـن عـذرى سجينـه كيف عند العالم أيـام العـزى مِحصـى عددهـا وإلا لي طالت شهـور والله أعلـم كـم سنينـه لا الثرى فيها نبات ولا المشـي خفّـف نكدهـا لا السما فيها طيـور ولا البحـر يمّـه سفينـه لا القمر هذا مسـاه ولا العصـي هـذا رغدهـا لا الزهر هذا شـذاه ولا الذهـب هـذا رنينـه قالوا الشيـخ الفلانـي مرجِـع القـوم وسندهـا قـال يبشـر بالعـوض والعلـم جينـا ناقلينـه ساق لك بدر البدور اللـي نشدهـا مـن نشدهـا جادلٍ هـزّت عـروش وخيِّبَـت روسٍ ذهينـه قسمها في رسمها في جسمهـا إلا فـي رِشَدْهـا وأسمها إن جا للغضب قومَهْ, على الألسِنْ رِطينه اترك النـاي وعطيـت شيخنـا غـنّ لسعدهـا وانبسط يا عمْ وانسى اللـي ورا التربـه دفينـه قلت ولصـدري تناهيـتٍ تـروِّع مـن شهدهـا آه واويـلاه مـن يجلـب علـى قلبـي ظنينـه خلوا أغلى ذاهبه ترعـى ربيـع اللـي فقدهـا والعطـا راعيـه محـدٍ صوبـه الله لايهيـنـه لو ضمنـت الجنّـهْ بتفاحـة القلـب وشهدهـا قلت من بكره عسـى مجنونهـا تاقـف سنينـه الله اللـي راد والعقـدة قضاهـا اللـي عقدهـا لا على الدنيا سـلام ولا لباقـي العمـر زينـه
ناصر القحطاني
|
|
|
|