مثال أخر منقول من أحدى المنتديات المشهورة
فهل عندك مثال ............ على هذه الافعال المشينه
هذه و الله شفتها بنفسي و تكلمت مع هذا الشاب
على طريق الملك فهد العملاق ..... و في حي العليا ... أرقى أحياء الرياض ... و بين برجي المملكة و الفيصلية .... فيه حديقة ماهيب كبيرة ... على ( خط الخدمة ) مباشرة ...
المهم ... أحيانا أروح الحديقة ذي أتمشى بحكم إنها قريبة مني ... و تعرفون الرياض ما شاء الله مليااااااااااان متنزهات و أماكن يغير الواحد فيها جو.. ( لا تصدقون) .. المهم كنت جالس في الحديقة يمكن الساعة عشرة و أربعين دقيقة في المساء .... و أشوف ذاك الواحد اللي جايب معه زولية ومخدة و بطانية و يفرشها و جاك الرجال بينام ؟!!!
تعجبت صراحة و رحت أبي أسأله ... سلمت عليه و سألته وش القصة ... رد علي بنبرة حزينة .. قال انه جاي من تبوك و سمع ان فيه وظايف حراسة لبرج المملكة و انه قدم عليهم و ما يدري يردون عليه ولا لا و ما عنده فلوس يستاجر سكن ولقى الحديقة قريبة من المملكة ( مع انها تبعد اكثر من ثلاثة كيلو ) وهو ينتظر ردهم عليه .. تأثرت والله و حاولت اساعده و قلت له تحتاج شي و لا شي لكنه رفض بكل احترام و شكرني.. سبحان الله مع كل هذا الضيق و الفقر لقيت عنده عزة نفس يمكن ماهي عند اصحاب الملايين ...
وكيف بالله توصل الدرجة بالشاب السعودي ان يصير غريب في بلده يفترش الارض و يلتحف السماء
وفي أغنى أحياء العاصمة ؟؟؟؟!!!!!
سبحان الله ..... هل هذا ينلام لو صار حرامي ولا مجرم ؟؟؟؟؟
لا وظيفة ولا سكن ولا فلوس ولا شي .... في البلد النفطي الأول في العالم ؟؟؟!!!
الله يكون في عونه و في عون الشباب السعودي المسكين
و دمتم ......
|