مشيت لي ادروبن كلها إخطار
ذقت وشربت من الزمن سم الأفاعه
ولاهمني درب الخطر لو صار ماصار
والوقت له ميلات برجال الشجاعه
كم واحدن منه ذاق مر الأمرار
وكم واحدن ناب الدهر يلوي ذراعه
خلك على جور الايام والوقت صبار
ترى الصبر سنه وعند الولي طاعه
حدتني الغربه على قول الأشعار
وصار الزمن ضدي هجر وقطاعه
اسهر طويل الليل كني على نار
لين الفجر ساق وبانت لي اشعاعه
اناطح الأمواج على السفن عبار
نوب غريق ونوب عندي مناعه
اقوم واطيح وتابع ورجع للاسفار
ومد حبل الرجاء واخاف انقطاعه
لا كني عنيد وفالراي والله محتار
اضرب غزير الجم بحره وقعاعه
قلبي حجر واضلوعي كلها احجار
وشري عزيز القوم يوم الردي باعه
ماشيت بالدنيا صناديد الاقطار
وخذت من التجارب ادروس البراعه
وسطرتها للي بعدي جملة اسطار
وعن ادروب المذله أخترت القناعه