جدي الله يرحمه
جاء الرياض ونزل سوق كبير وهو عمره وقتها كان كبير
شاف ذا البشرما فيه الا قوه حريم السوق كان
مكون ما ثلاثه ادورا بسلالم كهربائيه
في الدور الثاني وانا اللى كنت معه كان فيه على زاويه السلم
بنتين الله يستر يسمع ضحكهم اللى بالسوق الثاني
وربي لو ما مسكت المشعاب حقه انه كان
بيصفقهم بالمشعاب انا انحرجت صراحه بس
وربي اني تمنيت استغفر الله يكون اعطاهم كاشفات ومافيه الا قوه غزل
وما اعجبه المنظر قلت ياولد خلني ارجع
بالشايب ذا مو لشئ لكن قلت ابروح اجيب
له اغراظه من سوق بمعنى اخف
ابعد به عن المشاكل

قله الوازع الديني من اهم الاسباب اولاً
ثانياً مفهومنا جميعاً شباب وبنات لنت استخدمناه لاغراض خاطئه

تعالو ننظر الى الوراء بضع سنوات
بمعنى قبل النت الوضع ما كان كذا
والحياه كان فيها من المشاكل ذي بس
مو الى درجه الانتشار السرطاني اللى موجود حالياً
من اول حتى البنت اذا كانت تحب واحد
تتحفظ عليه حتى من اعز صديقاتها ويكون الحبيب ذا
معروف
اللحين
تحب مليون واللى يدرون انها تحبه مليونين
وما تدري منهو ولا وشهو

سارت وسيله التعرف ضياع الكل
اجزم كثير بشملهم نظام العنوسه
لتعلقها بشاب نتي او على الهاتف والنتيجه
في الاخير يتزوج وهي تنتظر


جميعكم ذكرتو نقاط مهمه في الموضوع ذا

الحياه تغيرت من ناحيه الاهل خلونا ندرس انفسنا نرجع
للماضي ايام الطفوله مقارنتاً باطفال اليوم
كنا دلوخ بتقولون ليش لا ما كنا دلوخ كنا
بصدق نعمل للحياه والنيات كانت صافيه
اللحين ورع عمره سنتين يمديه يسرد لك
كل شئ ما عاد يخفى شئ ابد هاذي نعمه
بحد ذاتها لكن ما عملنا لها حساب
والله بيحاسبنا عليها

الشعور بالحنان لا يأتي الا بمراقبه الله وان
عشتي سيدتي سنه سيأتك دهر غيره
ولنعمل على ان الله يمهل ولا يهمل
نعم بكل تأكيد اعترف ان هناك قصور من الوالدين
في المتابعه وعذرعم متطلبات الحياه
وش متطلبات الحياه الله بيسالني عن اني لازم اللهث
وراى الدنيا ايوه بيسألني لكن مو باثقل من اني
انتبه لاهل بيتي لزينه الحياه كما ذكر الله((المال والبنون))

من ناحيه الوم الفتاه فعلاً سألومها لكن مو
بطريقه تجعلها تنحرف اكثر او تسبب لها تأثير نفسئ
كلنا نعلم مدى تأثير السب والشتم والضرب
على حياه المراهق او المراهقه وما تسببه من رده فعل
لكن بالكلام الحلو والاخلاق الطيبه راح نصل لمبتغانا

((كلكم خطاؤون وخير الخطاؤون التوابون))

اشكركم جميعاً
وللحوار بقيه
ولكم تحياتي