اكيد الام تقصدولدها حمدان وهي في المستشفى وليس كل حمدان مثل حمدان

كلماتها رائعة ومبدعة اعجبتني فحبيت انقلها لكم

وأرجو منكم ملاحظة البييت اللي باللون الأخضر



وين انت يا حمدان امـك تناديـك .. وراك مـا تسمـع شكايـه وندايـه

يا مسندي قلبي على الدوم يطريـك .. ما غبت عن عيني وطيفك سمايـه

هذي ثلاث سنين والعيـن تبكيـك .. ما شفت زولك زايـر يـا ضنايـه

تذكر حياتي يـوم اشيلـك واداريك . . والاعبـك دايـم وتمشـي ورايـه

ترقد على صوتي وحضني يدفيـك ..ما غيرك احدٍ ساكن فـي حشايـه

والى مرضت اسهر بقربك واداريك .. ما ذوق طعم النوم صبـحي ومسايـه

ياما عطيتك من حنانـي وبعطيـك .. تكبـر وتكبـر بالأمـل يـامنايـه

لكن خساره بعتني اليـوم وشفيـك .. واخلصت للزوجه وانا لي شقايـه

اناادري انها قاسيـه مـا تخليـك .. قالت عجـوزك مـا ابيهـا معايـه

خليتني وسط المصحه وانا ارجيك .. هذا جزا المعروف وهـذا جزايـه

يـاليتنـي خدامـة بيـن اياديـك .. من شان اشوفك كل يوم برضايـه

مشكور ياولدي وتشكر مساعيـك .. وادعـي لـك الله دايـم بالهدايـه

حمدان يا حمـدان امـك توصيـك .. اخاف من تلحق تشـوف الوصايـه

اوصيت دكتور المصحه بيعطيـك .. رسالتـي واحروفهـا مـن بكايـه

وان مت لا تبخل علـي بدعاويـك .. واطلب لي الغفران وهـذارجايـه

وامطر تراب القبر بدموع عينيـك .. ما عـاد ينفعـك النـدم والنعايـه


ولكم الشكر على المتابعه