عرض مشاركة واحدة
#1  
قديم 09-30-2009, 04:59 PM
دمعة حائره غير متصل
لوني المفضل Cadetblue
 رقم العضوية : 17239
 تاريخ التسجيل : Jul 2009
 فترة الأقامة : 5863 يوم
 أخر زيارة : 02-17-2010 (09:00 AM)
 المشاركات : 10,405 [ + ]
 التقييم : 1
 معدل التقييم : دمعة حائره is an unknown quantity at this point
بيانات اضافيه [ + ]
افتراضي سوالف للعيون اللي صداها دمعة أحزاني



السلام عليكم ورحمة الله وبركاته
....سوالف للعيون اللي صداها دمعة أحزاني....






على ذكر المواجع والسفروالحل والترحال..
....طويت آخر ورق عندي في دفتر أحزاني....
*
*
طويته وأنكسر قلبي وصوتي بالمواجع سال..
....ودريت إن الظلام اللي تحت كف السهر جاني....
*
*
جلست أجمع مسافاتي وأغني للسفر موال..
....على صفحه من الماضي بها حلمي وعنواني....
*
*
بها كم سافرت عيني ليالي والظلام أهوال..
....وبها كم سافرت روحي وأنا بالليل وحداني....
*
*
حبيبي ليلة البارح مشيت من الغرام أميال..
....وأناظر رحلة الذكرى هدب عينه يغطيني....
*
*
حبيبي كل ما أشوفك تجي بالذاكره تختال..
....نهر من فايض الذكرى يجي من داخل أشجاني....
*
*
تخيل يوم عانقني خيالك خاطري وش قال ..
....تخيل قبل أسولف لك نشدني عنك وجداني....
*
*

نشدني لين خلاني مدينه هزها زلزال..
....تخيل ماهدى حتى لقاك بوسط شرياني....
*
*
أروح لشجرة الموعد معاي لموعدك مرسال..
....وأخاف إنك تجي قبلي وترحل قبل تلقاني....
*
*
هنا كانت ليالينا الغلا و المقبلات آمال..
....وهنا كانت مواعيدك مطر تخضر به أغصاني....
*
*
هنا كانت نواظرنا سوالف في كلام أطفال..
....وهنا كانت عصافيرك على دربي تحراني....
*
*
هنا شف باقي آثارك على رمل الوعد مازال..
....وهنا شف دمعة طاحت من عيونك على شاني....
*
*
حبيبي لا تنشدني عن أوضاعي وكيف الحال..
....أنا بعدك سحاب أبيض أضم الريح بأحضاني....
*
*

غلاك بدّلة الذكرى بهار وهاجسي فنجال..
....تقهواه الجروح اللي بها ذكراك تنصاني....
*
*
تسافر بي وأحسب إني وصلت آخر وطن بالبال..
....وأثاريني ماوصلت إلا بداية درب حرماني....
*
*

وتبقى سيرة الذكرى قصيده تكتب الترحال..
....سوالف للعيون اللي صداها دمعة أحزاني....


مما رآآآآآاق لي




رد مع اقتباس