ودي اموت اليوم و اعيش باكر
و اشوف منهو بعد موتي فقدني
ومنهو حملني لين ذيك المقابر
واشكر انا كل من كرمني ودفني
شخص تعنى لي مع انه مسافر
و شخص قريب وانا ميت طعني
وشخص دمعته ماهوب قادر
وشخص تطيح دموعه كل ماذكرني
منهو من اهلي في العزا كان حاضر
منهو دعى لي في صلاته ورحمني
منهو بنى باسمي سبيل ومنابر
منهو يفز قلبه الى من لمحني
منهو عشاني طول الايام ساهر
منهو ثلاث ايام ثم راح وتركني
منهو يرتب غرفتي و الدفاتر
وان شاف صوره لي صاح وحضني
الضيق وافي والحزن حيل وافر
والجرح اكثر شي شفته يحبني
قل وش تبي واتركني ياحزن آمر
مسكين فرحي تصدق انه وحشني
عايش وميت بين ماضي وحاضر
ودي اموت اليوم وارتاح مني