بهالابيات الي يردده جميع افراد الاسره الحاكمه الله يحفظهم
هذه الابيات قصيدة خادم الحرمين الشريفين الملك فهد بن عبد العزيز رحمه الله شارك نخبة من الشعراء في الردعلى ابيات هذه القصيده ، التي جاءت على قافية قصيده للملك فهد .
حنا هل العوجا ولا به مراواه
شرب المصايب مثل شرب الفناجيل === فهد بن عبد العزيز
---------------------------------------------------------------------------------------
عاداتنا ماطال للمجد نرقاه
وصية معنا لجيل بعد جيل === خالد الفيصل
---------------------------------------------------------------------------------------
تاريخنا بالدم يما كتبنــــــاه
واليوم صار مداده الورد والهيل === بدر بن عبد المحسن
---------------------------------------------------------------------------------------
وان كابرونا مالنا ند نرضــاه
الا السحاب اللي به الويل والسيل === طلال الرشيد
---------------------------------------------------------------------------------------
حنا سنام المجد والعز والجاه
وفرسانها لا ركبوا الجيش والخيل === عبد العزيز سعود محمد
---------------------------------------------------------------------------------------
قمنا بشرع الله وذدنا عن حماه
دستورنا القرآن ماعنه تبديل === خالد بن سعود الكبير
---------------------------------------------------------------------------------------
صغيرنا يولد ومجده بيمنــــــــاه
الله خلقنا للصعيبات تضليل === سعود بن عبد الله
---------------------------------------------------------------------------------------
درب الخطر بقدامنا كم وطينـاه
ماهمنا العثرات ونعدل الميل === خالد بن يزيد
---------------------------------------------------------------------------------------
نرفع شعار الدين والبيت نحماه
فيما فعلنا ماعلينا مداخيل === خلف بن هذال
---------------------------------------------------------------------------------------
حنا الذرى من حده الوقت ينصاه
من فضل من رد ابرهه راعي الفيل=== احمد الناصر الشايع
ا---------------------------------------------------------------------------------------
افضل طريق للعداله رسمنــــاه
للناظرين اوضح من الجد ي وسهيل === رشيد الزلامي
---------------------------------------------------------------------------------------
كم فعل طيب نفعله ماحكيناه
نبي رضا من نزل الذكر تنزيل === عبد الرحمن بن مساعد
---------------------------------------------------------------------------------------
من يفعل اللي بالملاقى فعلناه
ومن مثلنا بالفضل من غير تفضيل === سعد آل سعود
---------------------------------------------------------------------------------------
حنا الى لحق الخطر منتهى اقصاه
نقلط عليه مجردين المساليل === عبد الله بن عون
---------------------------------------------------------------------------------------
يشهد لنا الاجرب وشامان زكاه
وشلفا فهد والرمح والخيل والليل === غازي بن دخيل الله
---------------------------------------------------------------------------------------
نظامنا شرع العدل والمساواه
اللي تنزل به على الناس جبريل === فيصل الرياحي
---------------------------------------------------------------------------------------
نشري ثمين المجد لو غلي مشراه
في ساعة فيها السبايا زعاجيل === راشد بن جعيتن
---------------------------------------------------------------------------------------
سرنا بدرب المجد حتى وصلناه
احرار ما تفرض علينا الاقاويل === صياف الحربي
---------------------------------------------------------------------------------------
حنا علمنا فالمنابر رفعنـــــاه
في كل دوله غير دولة اسرائيل === حبيب العازمي
---------------------------------------------------------------------------------------
حنا الدروع اهل السيوف المحناه
ريف الضعيف ودة في نهر نيل === مستور العصيميل لقد اعجبتني هذه المجموعة من الابيات ونشكر منتدى خميس مشيط على سماحه لنا بالنقل وكل الحب للوطن وكل الولاء والانتماء للارض الطيبة بلاد الحرمين الشريفين د-زكريا
|