قصيدة جديده اتمنى ان تنال اعجابكم
واعذرونا على القصور

يا علاج الروح . أنا مجروح في غمزة خدود وشفه

"الخجل طبعه" ومن زود الخجل طوع ِ يدنق راسه
.............................
آه ..مايهنى المولع لين يوصل بالمحبه .. شفه

ما يلام .. خدود خله من نسيم ٍ عابر ٍ . حساسه
.............................
"بسمته" فيها "ثقل" لكن الاحظ في "ظحوكه"خفه"

والرموش "ظلال" ودواء الحال عينِ بينها نعاسه
.............................
"وقفته " فيها "كبر" لكن الاحظ في جلوسه "عفه"

تخجل الجلاس .وآنا سال حبر الشعر في قرطاسه
.............................
من جماله .. من دلاله كل عنقِ صوب زوله.. لفه

كل من شافه تمنى لو يكون من اقرباه .... وناسه
.............................
آه .. تكفى وصلي حبي لقلبه .. يا " نعومة كفه"

لاني المسها "حنان وعاطفه" والقلب .دق أجراسه
.............................
كل حسنه والمزايا " كفةٍ " وشفايفه في . "كفه"

رغم ما يغشى كيانه بالحلا من ناصيتْه لساسه
.............................
يا حسين اللون دامك من يشب الحب فيني طفه

طفه " بوصل وحنان " ألين يبرى خافقي من باسه ..

.............................

وسلامتكم

شعر .... غارم العمري

تحياتي
.............................

م اقول ان الضحك مهد البكاء ,يرحل ويرجع له

أنا ما بين افضفض لين أضفضف عبرتي بشويش

احس ان الحروف ان جيت ابكتب فيك: مشتعله