جاني الخبر يا صاحبي وأظلم الكون=قدام عينـي ثـم نطقـت الشهـاده
على العموم أقولهـا ألـف مليـون=مبروك من قلـبً شكالـي إبعـاده
مبروك لا يهمك سواليف وأظنـون= من عاشقً يهديـك فرحـه فـؤاده
سو الفرح اليـوم وإبليـس ملعونـا=للي يشـب النـار يجنـي رمـاده
أنا أول العالم على القصـر يلفـون= أول معازيـم الفـرح والـحـداده
أبشر أنا برقص على العرس بالهون=كـل يعبـر فرحـتـه بإجتـهـاده
لو البلا رقصي يقولـون مزيـون= المشكلـة القلـب يفـضـح وداده
يوم العذاري في دخولهـم يغنـون=وعروستك بأحلى ثوانـي السعـاده
كنـت أتمنـى بدالهـا والله أكـون= وأحط أنا كفي تحت رأسك وسـاده
وأشلون أبكتم صرختي يوم تمشون= تكفـى خذنـي للعروسـة قـلاده