بن ظافر احمد الله انك ما لحقت على الختان
كان قعدت بدون زواج الى الحين
ههههههههههههههه
اما انت يا بو فهد الله يوفقك والله اني قعدت اضحك يوم شفت ردك
ردك رائع وذكرني بايام زمان ايام المنادرة والمداخله
فيه واحد من الجماعة الله يرحمه كان ولد ولده من سني
بس الله اعطاه بسطة في الجسم وكنت انا صغير بس بقلبي
وكل يوم الشايب الله يرحمه يقول تداخلوا وكل واحد ياخذ دخله
وذا يطيح الثاني له ريال
وكل يوم اطلع بريال
والرجال ينقهر على الريال وعلى الخسارة
ويوم من الايام جاء قريب لهم وكان يحبني
وكان حاضر الله يرحمه انه توفى ايضاً وهو باقي شباب في حادث
المهم بديت اسطوانة كل يوم وفزت وخذت ريال
وضحك الرجال وقال والله ان تفلس على يد صالح
كل يوم ريال والله ما لقاها واحد وقعد يضحك
والشايب اغتاض زعل قال والله ان يعدون مرة ثانية وذا يفوز ان ياخذ خمسه ريال
واثر معه علم ماهو دواء بدينا بالمفازرة
وكنه جاه مساعدة من الشايب وخنطلت في كيس رز وطحت وفاز ذاك اليوم
ويوم قومني الرجال اللى قلتلك كان حاضر واعطاني خمسة ريال
وقال لا عاد تجي هنا ولا تفازر احد الله يوفقك
شاف ان الشده مالت وان الوضع فيه تعصب
وكانت اخر مره افازره فيها
ولا زلت اذكر كل كلامك ولكن والله اني كنت صغير مره
وكل كلامك صحيح وكان حاصل عندنا بشكل كبير
اخي تاج مفقود الله يوفقك على الاضافه وعلى المقاطع للشباب
والله مواقف مجحفه في حقهم
ويا زين ختان هذه الايام
تقبلوا جميعاً مودتي
ابو عبدالله
وعلموني ماذا ودكم نسولف فيه
|