ابو عبد الله
الله يسعدك كلامك كلام رجل عسكري حول تحديد الاهداف وهل الهدف هدف منطقة او هدف موقع ؟

اما اهل فيفا فمعي واحد منهم يوم يشرح لي---- ماهو هدف منطقه فقط لكنه هدف استراتيجي الله يدفع البلا 000 (حشا) شيول يمسح كل اللي على طريقه الله يعينهم 0

شكرا يابو عبدالله 0

خلها يابو عبد الله هل لحقت على المنادره؟

كنا نجتمع اولاد القريه والقرى المجاوره ويقوم الكبار بعملية المحارشه بين الصغار وكل واحد مع نديده وتبداء كا التالي :

1 - كل واحد ياخذ دخله تعرفها؟ اي يحط يده اليمنى في ابط خصمه اليسار والثاني نفس الوضع وهنا يكون كل واحد اخذ دخله0
2- مامنا الخنطال والخنطال هو العرقله بالرجل من الخلف 0
3- ما منا الضيقه يعني لااحد يزعل 0
4- تبداء المعركه بالايادي فقط سحب ودفع ، يمين وشمال حتى يطيح احدهما ويعتبر الفايز للي ما طاح0
5- اي واحد مسالم ما يبغى ينادف يحرشون الباقين لاستفزازه فيقولون الكبار ( الونعم منكم يهب بمسمعه ريق ) هنا تثور ثائرته ويبداء المعركه غصب 0

وتشوف الغبره والردغايه مانروح البيت الا وفينا شيفة تدعس السكون على زيننا من قبل 0

اعذرني لكن قلت وانتدي معك شويه0

تحياتي