والله شاعر أخ جبرني الوقت وللأمام .. أتمنى لك التوفيق ..

وهذي الأبيات تستاهلها اهداء مني ...

سلامي لك يابعيـد الـدار والديـره

يالشاعر اللي جزيل القـاف يزهابـه

جبرني الوقت ذا حرفي مع السيـره

منظوم والقاف لـك منـي تهنابـه

يهيم فكري من أشياء جابت الحيـره

ونا أدري ان الامـل ماينقفـل بابـه

كرهت أمر(ن) عسي ألله يكتب الخيره

أمر(ن) تلدم ولا أدري سبة اسبابـه

قلبي تعـدي حـدوده دون تاشيـره

خالف مواثيق مبرومه مـع احبابـه

انكر وليفه وشاقـه واحد(ن)غيـره

لاذاك من دمنا بـس القـدر جابـه

وعذري لكم كان حرفي طال تعبيـره

يالشاعر اللي تطيبنـا مـن أطيابـه