عيـدك مبارك حبيبـي .. كل عام وانـت .. مِـنـي
تمتلك رووووح وعشيـره ... تحكم السَّلـم وعوايــد
عـادة احزانـك .. تـزور الدار ذكراهـا .. تِـهنـّي
طاري البارح نساها ... واحتضن دمـع الوسايـد
كل عـام .. وجرح قلبـي .. والظنون اللّي عصنّـي
تشعل شموع لغلاك .. وسهرة احلامك تزايـــد
لاطـرى عشقـي .. رجيتـك .. اسأل الايـام عَنـي
انجرح نبض المشاعر ؟ والا ّ ذاك الجرح عايــِد
باقي الفرقا .. اماني .. رتـّب الاشواق .. غنــي
يمكن الدمعه تطيــح .. وتكشف همـوم القصايــد
|