قصيدة يــــــمـــــــه (نصيه)
يـا يمـه منتهـي جيتـك وطـالـب مـنـك الغـفـران
أقـبـل قـاعـة أقـدامــك وأغسـلـهـا بدمـعـاتـي
يـا يمـه كـل مـا فينـي ينـادي لــك أنــا نـدمـان
طلبتـك قولـي سامحـتـك وردي لوجـهـي بسمـاتـي
أنـا أدري قلبـك الطيـب كسرتـه بصـدمـة النـكـران
غلطـت وغلطـتـي هــذي تعـيـر كــل غلطـاتـي
تشوف الشيـب يـا يمـه تـرى مـا جـاء وأنـا فرحـان
ورب إللـي رفــع ذاتــك ونــزل لـلـردى ذاتــي
فقـدت الراحـة مـن بعـدك فقـدت الطيبـة والتحـنـان
بدونـك راحـتـي غـايـة بيديـنـك هــذي راحـاتـي
أنا ... أنا بعـدك ولا حاجـه أنـا بعـدك تـرى عميـان
أشــوف ولا أشــوف إلـلـي يوريـنـي مسـاراتـي
أنـا وسيـد الشقـاء والهـم مـن بعـدك غدينـا إخـوان
يجـيـب هـمـوم هالعـالـم ويرمـيـهـا بمتـاهـاتـي
صدقتـي يـوم قلتـي لـي تديـن اليـوم بــس تـنـدان
رميتـك فــي بدايـاتـي ورمـونـي فــي نهايـاتـي
أنـا مـن شالـك بأيـده ورمــاك بأسـفـل البـركـان
نخيتيـنـي وطلبتـيـنـي ولا حصـلـتـي نـخـواتـي
مثـل مـا هنتـي بعيونـي عليهـم قلبـي يـمـه هــان
رمونـي وضعفهـم فزعـه وأنـا الدمـعـات فزعـاتـي
يـا يمـه لا تظنيـنـي أنــا مــن فعلـهـم زعــلان
سـواتٍ فـيـك سويـتـه وســووا فيـنـي سـواتـي
يـا يمـه يـا الله ضمينـي ودفينـي بـيـن الأحـضـان
أنـا أدري فيـك مشتـاقـة وهـمـك بــس ملاقـاتـي
يا يمه ... يا يمه حيل ضمينـي أبـي أرتـاح أنـا تعبـان
تعبـت أهـرب مـن ذنوبـي أبـي أجـا خـر مسافاتـي
أبسمـع منـك أي كلمـه لصـوتـك مسمـعـي ولـهـان
أبسـمـع يـمـه بصـوتـك أبـذكـر فيـهـا نشـواتـي
أشوفـك ساكتـة يـمـه رضيـتـي ولا أنــا غلـطـان
رضيتـي يـا بعـد عمـري تعبـتـي مــن مواسـاتـي
يا يمه ... يا يمه ... يا يمه طالبك قومي إذا لي بعيونك شان
أشـوف المـوت بعيونـك عسـاهـا تخـيـب هقـواتـي
تعالـوا يـا بشـر شوفـو أنـا محـتـار أنــا تلـفـان
أنا أمـي مـا أدري وش فيهـا أنـا مـدري أنـا أحاتـي
شنو .. شنو .. أمي أنـا ماتـت لا ... لا تـرى غلطـان
أنـا أمـي مـا تخليـنـي عـلـى حـزنـي وونـاتـي
أنـا أمـي قلبهـا طيـب ولا يمـكـن تبـكـي إنـسـان
أنــا أمــي مــا تبكيـنـي ولا تتمـنـى آهـاتــي
يا يمه صـح مـا متـي وصـح المـوت تـو مـا حـان
إذا مـتـي أنــا بـعـدك أبقـضـي ويــن ساعـاتـي
يـا يمـه قـومـي وقـولـي الـمـوت لا مــا كــان
أنـا جيـتـك وأنــا نــاوي أبــدل فـيـك جنـاتـي
تركتينـي ومـتـي لـيـه تركتيـنـي وأنــا غـرقـان
ولا مسـمـوح يــا ولـيـدي ولا تلعـنـك لعـنـاتـي
أنا الجاني وأنـا المجنـي وأنـا المخطـي وأنـا الندمـان
وأنــا بـيـدي رميـتـك إيــه وبعثـرتـه ملـفـاتـي
وجيت من الهنـاء مبلـغ وقلبـي مـن الضنـاء خسـران
تركتيـنـي عـلـى نــاري أعــدد فـيـك زلاتــي
ولا نيـب مرضـيٍ ربـي ولانــي تـابـع الشيـطـان
أنــا بـعـدك تــرى مابـيـن نهايـاتـي وبدايـاتـي
يـا يمـه منتهـي جيتـك وكـلـي مرتـجـي غـفـران
وشفـت النـاس تلعنـي وتحذرنـي مــن الآتــي ....
|