حان السفر من بريطانيا وشانت النيه
يا كيف ابرحل وخلي ساكن(ن)فيها

من غيبته يا حمد مكوي مية كيه
تعال وانظر عيوني عقب غاليها

أحبها يا حمد حب(ن) سكن فيه
ويفز قلبي اذا من جوا بطاريها

ما هي من قريب هي بنت(ن) اجنبيه
أحبها والمشاعر ما اقدر اخفيها

وقربت اسافر ولا قالت وداعيه
حتى ولو كان تشر لي باياديها

شكيت لامي وقلت بما جرى فيه
يمكن تجيها وتنشد عن خوافيها

قالت لي امي ترى في غيرها ميه
واثقل ترى البنت تهوى من يجافيها

وبااسافر والدمع يجرى فوق خديه
وكل ما غفيت بمنامي صحت اناديها