ياعرق انا بانخاك والروح تفداك = قلبك كبير وكل قلبٍ هقا بك
محدٍ صفاله وقت وللوقت ميلات = هذا القدر مكتوب واحسب حسابك
الواحد المعبود من الهم يحماك = ويرحم فقيد راح ويرحم عذابك
يالله عسى المعبود يزيل بلواك = الله لطيف وشاف فجعة مصابك
ولو القدر عدّاك بالغد مااخطاك = وين الذي بالأمس يرعى شبابك
ياوالده مرحوم عسى الخُلد ملفاك = وفي جنة الفردوس تلبس ثيابك
حارت بي الأفكار من يوم فرقاك = غمم عليك الموت وغطى سحابك
ياطيب الشارات بالعز مربــــاك = ببكيك انا وارثيك وكلٍ بكا بك
طيبك كما نورٍ تعلى بالأفلاك = عسى عظيم الشان يجزل ثوابك
ياما تروح ارواح ماتطول ممشاك = عسى القبر روضات ونورٍ سطا بك
من ظامته دنياه بالأمس ينصاك = وتضحك له بفزعات طيبة جنابك
ياما زرعت الطيب وتطيب يمناك = الله كريم وبأيمنك تاخذ كتابك
ودعتنا واقفيت وياكود فرقاك = عسى جنان الخُلد تحضن جنابك
حقٍ كتبه الرب واليوم مااخطاك = وباكر يجي للحي واللي رثا بك

اختيارك أثار جراح نفسي ياخوي بوفارس ..

الأب بيتم اغلى انسان بالدنيا وماغيره غالي ..

وتلك المرثية اخترتها لمشاركتك ..

*

*

*

*

*

*

يبه تذكر سوالفنا ؟

لاجل هذا ..

وكل هذا ..

اقول اليوم يابيي ..

ملل هالكون من دونك ..



يبه تذكر سوالفنا ؟

تذكر حبك وخوفك علي ؟

تذكر مزحك وجدك ؟؟

يبه انت كل الحنان اللي بالدنيا

حتى لو ماكنت تحس بشي

يبه تذكر بنيتك ؟

تذكر انك وعدتني تحميني ؟؟

وين الأمان ؟ ووين الحنان ؟؟

ووين الوعد ؟؟

انا احتاجك الحين ... والله احتاجك الحين

والمرض ياغالي ماخلاك تشعر بحي

لاجل هذا ..

وكل هذا ..

اقول اليوم يابيي ..

" ما يسوى" هالكون من دونك


من اختك العناااا ... لك أرق التحاياااا