يا طير يا طير يا طير السعد ياللي تـرف الجناح=لا واهنيك ليا ضاقت عليك الارض خليتها
وان رحت وان جيت ياطير السعد تسبق هبوب الرياح=واظن ما فيه ديره فـوق وجه الارض ما جيتهـا
مانته بمثلي تجي وتروح ما يصعب عليـك المـراح=لكن ياليـت جنحانـك معـي يا طير ياليتها
كله على شان ازور اللي رمانـي بالعنـا واستراح=اللي علـى شانه الاقـدام عنتـني وعنيتها
وليا نشدت العرب ماحد يعلمني عنـه ويـن راح=واتعبـت نفسـي وبالنشده كثيـر الناس بذيتها
لا ووجودي علـى شوفتـك مـره ياظبي البراح=ياللي على شانك العبره علـى الخدين هليتها
يابو عيون هدبها يـزرق العشاق زرق الرماح=ذبحت روحي على كفك برمش العين واحييتها