منتديات بني عمرو - عرض مشاركة واحدة

07-08-2009, 12:40 PM

هلا وغلا بالمسكت ..
صاحب القلب الطيب والخلق الرفيع العالي ..
نعم انه المسكت صاحب الأولويات في كيفية التعامل والحضور الرائع ..
خدوم ويعمل بصمت ولا يوجد له مطالب أكثر من رقي المنتدى وتحضّر من فيه ..
يمتلك احساس عالي وروعة في كل شيئ ..
هادئ جداً ووقت حضوره تجد ذلك فيه ، إلى جانب ذلك فهو صاحب كلمة حق ..
استضافته هنا محل تقدير كبير فهو بحق رمز من رموز المنتدى بكل ما تعنيه الكلمة ..

بارك الله فيك ابو ريان ولا نجي إلا من بعد الطيبين الوافين امثالك فأنت مُعلم وقدوه يُقتدى بها وعلى راسى من فوق

أسألتي :
1/ أين الجديد من قصائدك ؟ وليش مختفي ؟

الجديد واجد والغير قابل للنشر محدود

والحمد لله ومن خلال الشبكه العنكبوتيه وانا خوك بطلت انشر إلا القليل لأني واجهت مشاكل انا في غنى عنها من ناس همها سرقة الافكار والظهور بمعنى شعراء كبار معروفين على الساحه الشعريه بنو على ابيات من قصائدي قصايد لكن يجيبهم على ماقالو يجيبك الصيف يامشمش ماهو غرور لا والله لكنني وجدت ذلك بنفسي وإللي ماعنده واسطه إعلاميه ماينجح إلا إذا سحّب وجهه عندهم وكرامتي إن شاء الله تمنعني وإللي اكتبه احتفظ به إلى أن يرى النور
و اخر قصائدي موجوده بقسم الشعر بعنوان (تدرين وش سوى الامل في غيابك)

2/ اعطني من عندك رداً على هذا البيت :
كانها الدنيا خذت مني وجودك ... تتعب الدنيا ولا تاخذ غلاك

فالك الطيب (طازج)والبيت اعلاه راائع جداً صراحه
طيب(ن) واصلك ترى من طِيب جودك 000 كُلها الدنيا على شانك فداك

وإن كانك تبي من باب الاعجاب خذ ذي لسعد بن جدلان الاكلبي

ودنا بالطيب بس الدهر جحـاد طيـب=كل ما تخلص مع الناس كنك تغشهـا
يدك لامدت وفاء لاتحرى وش تجيـب=كان جاتك سالمه حب يـدك وخشهـا
كل ماشبيت نار المحبـه مـع حبيـب=قام يسحل فـي مشاهيبهـا ويرشهـا
وكل ما واجهت لك فالزمن وجه غريب=مثل ماقال المثـل دام تمشـي مشهـا
وذمةٍ ماهيب تندار للحـق المصيـب=جعل قشاش الحطب لاسـرح يقتشهـا

تقبل خالص تقديري وأغلى سلامي ..

شكراً لك ابا ريان وشكراً لإطلالتك البهيه ودمت بالقلب
اخووك