أدورني بْعيونك وقت باكي واستغاثة جرح =أدور ضيعتي حسرة غريب بمرسى أيامي
أدورني سما طالت لياليها وهجرها الصبح =أدور في سنينك كوخ يجمع باقي أوهامي
لقيتك يا زمن سمل الثياب وفي ضلوعك رمح =وانا اللي بسور أهدابك تطارد مُهرة أحلامي
تخيلت الهوى حنّا زفاف وضحكتين وملح =ولقيت اني جرس مهجور أفراحي هي الامي
على كتفي أشيلك يا زمن زوّادةٍ من شح =نسجت فقلبك أعشاشي وكبرت وكنت لي رامي
أشوف الأمس فوق الرف أطياف لخريف يكح =لبس ثوب الغياب وراح يمسح لهفة أقدامي
بحر عاجز عن النوم بعيونك والمرايا قُبح =لمحت الورد ينزف صد فيها والعمر ضامي
أفا..كان الزعل يكْسِر غروري واحضنك يا صلح =واجيك غيوم شاغبها الوله وتكسِّر اقلامي
حسبتك يا زمن مفتاح سِجْن وضحكة من قَمح =تمرجحني بخيوط الشمس تنثر شوق قدامي
بعد مالي عليك عتاب ذكرى معلقه في جرح =تِكسَّر غصنها وظلت تسامر وحشة أنغامي