تمكّــن ابلــيس مـــني ــــــــــ اعـــــــــــوذ بالله مــــنّه

يالله تصـــــرفه عــني ــــــــــ واصــــــرفـني يالله عنّه

الصـــاحب الي طــعني ــــــــــ مـا ضـــقت والله مـنّه

مسموح يامن ظلــمني ــــــــــ عـن كل ما صـــــار مـنّه

انا علــى كــبر ســـني ــــــــــ وهو علــــى صــغر سنّه

اسامحه غصــب عني ــــــــــ ويقسى علي غصب عنّه

لانه كــــــبيرٍ بظــــني ــــــــــ وانا صـــــــغيرٍ بظـــــنّه

عشت الهـوى بالتمني ــــــــــ يـوم الوفا ضــــــاع مـنّه

ماجيت بالشــعر اهـني ـــــــــ ولا اصطــــنع فـــيه ونّه

لجــيت للشـــعر لانــي ـــــــــ ترجمـــــت ماكـــنت اكنّه

بحر القصــيده عجبني ـــــــــ يا راشـــد ارجـــوك غنّه

وعلـــم الــناس عــني ـــــــــ وعلــــم الـــــــناس عـنّه

يامــا بحــبه حكـمــني ـــــــــ ويامــا تحمّــــــــلت مـنّه

خلاص لايحســب اني ــــــــــ مـثل اول اشقـــى واحنّه

من عقب ما صدّ عني ــــــــــ باروح واصـــــــدّ عـــنّه

وش ينفـع الي يغنــي ــــــــــ ولا واحــدٍ سمــــع فــنّه



بعد انقطاعي عن كتابة الشعر اعود اليكم بهذه القصيدة المتواضعه
واتمنى ان تنال اعجابكم ..