اااااااااااالله .. ياكثر ما اغليتك وحبيتك
.....................حتى اني اصبحت ما اسيطر على اشواقي
شلتك عن الناس في عيوني وخبيتك
.....................ومع الاسف كلهم شافوك ب.. اوراقي
مهما عطيتك وفاء واخلاص ما اوفيتك
.....................وانت بشعورك .. تعدى هقوة الهاقي
غلاك طير ٍ اليا هديته ارضيتك
.....................كنه يقول ل.. قصيدي : هات مسباقي
سرقتني مادريت .. وقلت ياليتك !
.....................تسحب بساط الغلا .. من تحت عشّاقي
وآثرك.. تبيها من الله يوم ورّيتك
.....................مكانتك في فضاي وف.. أخر آفاقي
ما مرّ يوم ٍ عليّ .. الا تمنيتك
.....................يشتاق لك كل مافيني .. من اعماقي
بسمتك / ضحكتك / رسميّتك / ايتكيتك
.....................ذوقك / تعاملك / سحر اسلوبك الراقي
خلّني اجيك .. وب.. عذري ليا جيتك
.....................واقول فالناس هذي ويش انا لاقي !
اتخيلك / كل ساعه .. لا تباطيتك
.....................صورتك في عيني وبروازها احداقي
بديتك من البدايه بس .. ما انهيتك
.....................وان طال دربي ما كلّ من التعب ساقي
علّمتك تغير في حدودك .. لا خليتك
.....................وعلّمتني كيف اعيش الحب ب.. اخلاقي
مافيه من يقدر يشاركك .. في بيتك
.....................لاصارت اسوار صدري .. درعك الواقي
ريّح .. وانا اللي على قلبي ما وصيتك
.....................وانت ارقد آمن واخذ عهدي وميثاقي
لاصرت قسمي .. وتفرح بي لا ناديتك !
.....................ماعاد ابي من حياتي قسمي الباقي


للرائع / مشعان البراق