[poet font="Simplified Arabic,4,darkred,bold,normal" bkcolor="white" bkimage="backgrounds/23.gif" border="solid,4,gray" type=2 line=350% align=center use=ex length=0 char="" num="0,black" filter=""]

الا يالله عفوك لا معي بيجر ولا جوال"= ولا عنـدي وظيفه والتجاره فاشـلٍ فيـها
ولاعندي شهاداتٍ ولاحرفه تسد الحال"= ولا حظٍ كبير لا اخطت الجره يقديها
مخابي الثوب تومي مادخلها من زمان ريال = بها فاتورة الكهرب ولا يمديني اقضيها
على ذيك العراوي تتعب الحادي مع الجمّال = ثلاث اشهور فالورشه وشهرينٍ مغطيها
ابيها لو تجمّل يـوم واجلبها على الدلاّل = يجيها واحدٍ حظه مثل حظي ويشريها
نصيت العسكريّه يوم قالوا للنظام رجال = وقدّمت الملف وصورةٍ متشخصٍ فيها
خذا الاوراق مني واحدٍ ما عند ابوه دلال = سلوم الناس واهل المعرفه والطيب مخطيها
قراها في دقيقه والتفت عجلٍ علي وقال = شهادتك العظيمه يا ولد وين انت مخفيها
هزّيت الراس ماعندي تقول اني من البنقال = وقمت احب خشمه واطلبه بالله يمشّيها
حذفها من يده شين الطبيعه والنبا والفال = وقال ازين تعوّد صوب نوقاتك تعشّيها
تناوشته من الكرسي وعفت الحل والترحال = وضربته بالبياله عقب ما بيّحت شاهيها
خذوني للسجن لا نيب لا ظالم ولا محتال = مجرّد واحدٍ جا يكحل عيونه فيعميها
ويوم اني خرجت اقفيت لارض الله وسيع الجال = على برٍ هواه يداوي العلّه ويبريها
ادوّر قصعة الجربوع والظب الفتي يختال = والارنب يا شفاة الروح ما احلاها وطاريها
بلا كهرب ولا بيجر ولا غازٍ ولا نقّال = قوانين الحضاره لا تبي شوفي ولا ابيها

[/poet]
[c]
ياخي مدري ليش اول ماقريت هالقصيدة

حسيت انها تشبه حال بعض الناس هنا

بالمنتدى .. تقل الهويشم .. تقل ولد الفجية .. مدري والله

خخخخخخخخخخخخخخخخخخخخخخخخخ

بس ايش رايكم بالله ؟؟؟ قسم لايقة عليهم

هههههههههههههههههههههههههههه

ولكم مني ... أرق التحاياااا

العناااا

[/c]

ياربَّ سبحانك تقبّل من دعاك وهو كسير
OOOOOOO وحنّا لغيرك ما حنينا الراس في سرّ وجهر
يارب تُرينا من عجايب قدرتك في ذالحقير
OOOOOOO اللي تجرأ وسب نبيّك سيّدي سيد كل البشر

اللهم ياذا الجلال والإكرام أدعوك باسمك الأعظم
أن تبسط على والداي من بركاتك ورحمتك
ولا تجعل لهما حاجة عند أحد غيرك
وارزقهما الجنة واجعل أوسع رزقهما عند كبر سنهما
اللهم إني أعوذ بك أن تردهما إلى أرذل العمر
وتقبل توبتهما وأجب دعوتهما
وأعنّي على برهما في كبرهما حتى يرضيا عني فترضى
آمين