................لا تنشغل فالهواجيس ، وتفاكيرك
هذي عيوني ، جواب ل( كل أسئلتك ) !
................بيّن على عيني من الهم .. تأثيرك
تغيب عنها ، تحسب انها تساهلتك ؟!
................( هي خمست ايّام ) .. ذي جملة معاذيرك
و ( هي خمسة شهور ) ، فيني لو تأملّتك !
................الله يسامحك عنّي ، والله يجيرك
كانك على نفسي اليا ضقت .. فضّلتك !
................كنت أكره الغير ، ولا انوي بتغييرك
ولا طاحت ادنى عزايم خاطري ، شلتك !
................ايام غيبتك ، مع ساعات تأخيرك
والله ما غيّرت فالقلب منزلتك !
................ما اضن ياخذ مكانك فالصدر غيرك
ي/ أقرب من العين للحاجب .. ولا طلتك !
................لوّ المقادير ، ساقت لي مشاويرك
ماكنت حتى ب( فارقني ) تحملّتك !
................ولوّ الصراحه تكون ، اصدق تعابيرك
ماكنت حتى ب( كيف الحال ) .. جاملتك !
................ب/ تقول ليه المفارق ، ( كل تفكيرك ) ؟
ما كنت أكره فراقك ، لين قابلتك !
................

للشاعر .. حمدان الديحاني