مدخـل /
من يصعد سريعاً .. يسقط سريعاً ..!!
تمهل ..!!

الطيحه اللي تعلمني بشيّ ٍ جديد
أحبها كثر حبـّي للأمل والنجاح

0

والطقــّـه اللي بتعليمه تزيد الرصيد
وغلطان من كانت الطيحه تزيده جراح

0

وقناعتي بإنّ قلبي قلب .. ماهو حديد
تجبر عزاي ان تعرّض خافقي للرماح

0

هذا هو الفرق مابيني وبين البليد
انّي بعد كل طيحه أستمد ّ الفلاح

0

ودام ان حزني على شيّ ِ مضى مايفيد
(( قلت التجارب تفيد , ومايفيد الصياح))

0

وانامثل ماخسرتك يالقلب ٍ عنيد
كسبت غيرك وجيه ٍ تستحق الكفاح

0

وش له أعاتب على فرقاك واشرح وازيد ؟؟!!
وسنينك سنين ... وأيامك دهور ٍ شحاح !!

0

يكفي تعلـّّمْت كيف الثلج خان الجليد !!
لخيوط شمس المفارق لين ذوّب وطاح !!

0

وان الخيانه سرت بالناس مسرى الوريد
وان الغزل مايدلّ الاّ قلوب الصحاح

0

وصحيح انا طحت قدامك ولاني وحيد
لكن تعلـّّمْت ممّا صار كيف النجاح

مخرج /
فالجميع والناجحون خصوصاً
بدأوا من الصفر ..!!