لمه اقول رمسه تسمعوها بدون اي نقاش


صح نسيت اقول السلام عليكم ورحمه الله وبركاته

اش حالكم جماعة الخير؟؟؟ ان شاء الله بس مرتاحين

يعني عمو الهاشم لمه اقولك اني اللي احرك لكم الموضوع ما صدقتني قلت لا وما ادري شوه وما ادري شنوه ههههههههههه

على العموم يوم الجمعة كان يوم مميز قررت اللجنه العليا لشباب العائلة انهم يسون رحله بحريه لولايه من ولايات سلطنه عمان وطبعا كلنا كنا شابات وشباب العائلة طلعنا وقيلنا على البحر شوينا ولعبنا بالرمل وجمعنا صدق ومشينا على الرمل يا سلام وكان الجو بارد وايد وايد طبعا بعد الغداء الساعة ثلاثه تقريبا العصر قرروا الجماعة انهم يأخذون قارب ويطلعون البحر وانا ما عليكم احب البحر ايه بس جبانه ما اقدر ادخل فيه يعني يجيلى دوار ما اقدر ابدا المهم الكل بيطلع إلا الجبانه الوفا ما يصير يا اطلع معهم يا حد منهم يضحى ويجلس معي على الشط طبعا كلهم فيهم انانيه ما فيه فايده قرروا انهم ياخذوني معهم على العموم اشفقت عليهم وطلعت اونى ماسكه كمره الفيديو بصور سحبوا الكمرا من ايدى وركزوا كل التصوير علي لاني من يوم راكبه القارب وانا اقرأ المعوذات ومقفله عيوني ههههههههههههههههه واقول لهم يا جماعة حرام عليكم بعدني في عز شبابي تبون تقتلوني ليه وماسكه في ايد اخوي اقوله معليه لو ما قلت لامي عليك ما اكون الوفا وهو يضحك ويقولي هذا اصلا لو شفتي امج عقب اليوم هههههههههههههههه وبس بعد ما رجعنا على الشط حسيت براحة عجيبه اونه اقول لهم يا سلام البحر حلو ما يخوف وكلهم مقهورين قالي ولد عمي تعالي طالعي الفيديو كله مركزه علي عشان بس اونه يثبت لي اني جبانه هههههههههههه (والله يقولون الخوف نص المرجله) هههههههههههههه


على العموم رجعت بالليل على الساعة 11 كنا بالبيت صلينا وجلست مع امي وحكيت لها كل اللي صار عقب نادوني اطالع ستار اكادمي وطلعت سهرت وياهم لحد الساعة 1 بالليل عقب كملنا السهرة في الغرفة مع خواتي طبعا هزربه عن الرحله لحد الساعة 3 الفجر ...

صح نسيت اخبركم قلت لامي اقول امي اذبحي لي عن سلامتي مب ولدج طلعني البحر في القارب هههههههههه وهي ميته ضحك علي

على العموم

الف حمد لله على سلامتج الوفا والله لو فقدناج ما ادري شوه كنا بنسوى من دونج منو بيدير العقارات والاملاك ههههههههههه


صح وبعد هديتي خذتها من ولد العم وله شوه يحسب عمره اصلا قاعده ما راح اتنازل عنها في حياتي اللي لي مستحيل يكون لغيري وبس




اختكم الرحاله ههههههه الوفا (موضى علف على قوله مرجوج) ?