ايه ياقلب ياقلبي المجروح
ادري ان الغضا للجروح علاج


مار وش في يدي والدموع تفوح
قيل هداج واقول ياهداج

وين ياللي لعمري ترد الروح
وين ياسجة الخاطر السجاج

في نظيري ملامحك يالمملوح
تبهج الصدر يالراوي البهاج

آه يالبرقع اللي وراه يلوح
بارق المجهر المسهر اللعاج

والمظاليل سلهامهن جروح
داجيات وملحفك ليل داج

ليل نجومه اقفن بسحر وضوح
واشرقن من ورا جمرك الوهاج

لد للي يبي خمر هنه واروح
مثل ماتوحي لضميرها المخلاج

ولاانا ياهوى الروح وين اروح
مالي الاانت يالمشرق المنباج

ياعذابي ماغير اشتكي وانوح
ياهل السلم والعلم والمنهاج

وكل ماشكى على شامخ ممدوح
شامخ مثل عكاش والمجماج

قال فالحب مالك ولامصلوح
اترك الحب يالعاشق المحتاج


تقبلوا خالص تحياتي..