عظيم الشان في قربـك وفـي بعـدك عظيـم الشـان
وصالك موت .. والموت الحمر من قلـة وصالـك


رهيف .. اي والله انك سيف ياعمري بـروح انسـان
على الحدين تدمـي لمستـك .. فـي كـل احوالـك


مثل جمر الغضى في ليلـةٍ .. فيهـا المسـا بـردان
وأنا ذاك الغريـب اللـي .. ذبحـه البـرد واشتالـك


يضمك .. للدفـا واحـرق اصابيعـه مـن الحرمـان
هرب من هول بعدك .. وارتمى في جملـة اهوالـك


حرارة قربك ارحم مـن جليـد البعـد ..والنسيـان
يشب القلب من نارك .. واقـول النـار اشـوى لـك


اعرفك .. واعرف احوالك ، واعرف ان السفر احزان
أجل مانيب انـا اللـي عايشـت حلـك وترحالـك ؟؟


سفرك .. الموت للخافق ، مـن الشريـان للشريـان
ترى غيبتك تذبـح ياحبيبـي .. وش علـى بالـك


حبيبـي والبلـد موحـش بعـدك ، ولابـه اطمئنـان
كأن العالم اللـي فيـه راحـت معـك .. تبـرا لـك


كأنك يوم رحت تقول : انـا ومـن بعـدي الطوفـان
وانـا لـك ماقويـت اقـول : فـال الله ولا فـالـك


سفـرك الله يسلـم لـي عيونـك ، فوهـة بـركـان
وأنا مـن قلـة الحيلـه .. ماغيـر اقيـس زلزالـك


يعيـن الله علـى بعـدك ، حبيبـي ياعظيـم الشـان
ويعيـن الله علـى قـرب .. يشابـه قلـة وصالـكaasw aasw

سألتك بالذى جابك على دربى حزن مغمور وش اللى تنتظر منى

ودمعى شرع ابوابه