[B]هذه القصيدة للشاعر ((سعيد بن ذياب العمري)) بمناسبة زيارة صاحب السمو الملكي الأمير / عبد الله بن عبد العزيز لمنطقة عسير

((تلاحم شعب وقيادة))

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
تثنّي يا غصون البان لدّي ياعيون الخود=تبكّر يازمن وافرد شراع المجد لرجاله
تهنّي ياعسير اليوم يوم الفرحة الموعود=تغنّي واعزفي للالحاق كل الشعب شيّاله
تحلّي والبسي تاج الجمال مرصع بعقود =ومن وجه الحسن جودي بلفتة حب واطلاله
تخطّي عالمهل واستقبلي شيخ عريب جدود =تجلّي لاتغلّي عالسنافي واشرحي بالــــه
ومدّي له بساط الحب لا حاسد ولا محسود=وروّيه الغلا والـود من نبع تــــهّيالــــه
تفضّل يا طويل العمر قّدامك عسير الجود =عروس الحسن حورّيه براس الطور حلاّله
على مرفأ نهدها فارس وبسيفه المجرود =فتح لك صدرها الحاني غلاك وطيبة النّاله
وجاك الحب من كل صوب لاحاجز ولامحدود =مشاعر شعب فيّاضه بصافي الود عجّاله
وفرحة عمر محسوبه كتبها الوالي المعبود =بها تستانس الديرة ونيسي الهم شيّاله
يحييك الشعب حب ويتجدد ولاء وعهود =وتبتسم ثغور أبها لضيف عز مد هاله
إذا جاء الضيف جدنا له من أغلى الجود والماجود=ومثلك لو عطيناه النفوس نحسّها اقلاله
هلا بك ماسرى البارق وما دندن وراه رعود=وماهبّ النسيم العذب شرق الدار وشماله
هلا يا منهل الطيبة له اقلوب الضمايا.. ورود =وقل يارده يروي وينسي ان الضما جاله
هلا سيد التواضع والشيم ومرّيح المظهود =نصير العدل هيف الظلم راى الرشد منواله
شديد العزم والهمّه كثير الجهد والمجهود =قبل ما نسمع أقواله يسرّ القلب بافعاله
ولي العهد سيف الفهد يوم الزلزله والكود =يدوس الموت في دربه وفال الخير بقباله
له أغلى الحب وأسمى الحب جوف قلوبنا مفرود=ولا ينشال من جوف القلوب الا تسوّى له
وفاء لاهل الوفا نوفيه وبطول الزمن ممدود =فلا يقصر ولا يبتر ولا ينساه من قاله
وشايج ودّ تجري في مجاري دمّنا وتذود=عن اعهود الولاء والحب بين الشيخ وعياله
نقوله ما نقوله وجهنه ولا رياء منكود =ولكنها محبة وجهك الطاهر واجلاله
وصولك عندنا يا شيخ غاية فرحنا المنشود=وتاج للشرف معزوز فوق الروس منزاله
يا بومتعب هلا مليون والمعنى عليه شهود=شهوده ما ترى عينك صدوق الحال والحاله
تلاحم شعب وقيادة بغير بلادنا مفقود =صور حيّه طبعها الله على هالشعب وابطاله
نحب ملوكنا حب ّ غذاه الجد للمولود =ولا عكّر صفاه الوقت با حداثه وزلزاله
هلا يابن الامام اللي من التوحيد لبس زنود =وبحسامه ترجل في صحاري تشرب آماله
خذاها عنوة من بين مخلاب وناب اسود=من الفوت انتشلها والعيون الزرق نشّاله
نفضها وانتفض منها غبار له سنين ركود=وحدّرها وسنّدها على ميله وعدّاله
آلين توطدت لا ركان بين السيف والبارود=وكل خطوة تخطاها بتكبيره وهلاّله
رسمها لوحة تشرح معاني البذل وامردود=وكيف ان الجساره والتقى حلّه وترحاله
ومن بعده توارثتوا حماها عزّة وصمود =وصارت درّة في الشرق وشموخ وتقلاّله
ملوك الخير خير وخير رمز الخير يآل سعود=حماة للوطن والدين لاهل الطيب خياّله
يابو متعب بحق اللي تشوف من الوفا المشهود=تبلّغ خادم البيتين حب الشعب ورساله
عساه بوافر الصحة عسى ايامه ضيا وسعود=ويبقى نور هالدوله يغذّى حبّه أجياله
وحنا الشعب شيمتنا صدوق العهد لاهل الفود=ذرانا اللي لهم حبّ يروّى القلب سلساله
لنا ذمّه لنا همّه لنا وقفه وصدق ووعود=لنا عهد مع آل سعود يبرا العمر بآجاله
لنا شرع ودستور عليه أمر القضاء معقود=وعزّزتوه يا عز الملوك وعزّ منهاله
نعيش الامن والايمان في دار قطيب حدود=ورايتنا السعودية بظل الدين واضلاله
يدوم الحب باوطان المحبة والسلام يسود=وخطوات التقدم والبنا والخير بتّاله
نعمّر دار نشعل نار نكرم جار نعطي زود=نفيد أمداح نكسب جاه نوفي الكيل كيّاله
لجرح أصحابنا بلسم لعشاق الخطا عبرود=وللعليا مطامعنا ولا مر الخير فعّاله
نصدّر حب للعالم ندوس العيب والنقود=ونشري المجد ونزاود على سعره ودلاّله
يابومتعب لو أن الوقت ما هو حسبه وقيود=تروّاك الشعر وصف ومن طيبك سمافاله
أبوه الشعر كانه ما غدا لك واحه ...وورود=وجالك راسم عصم القصايد فيك واجزاله

[/poet]


مع المعذره للشاعر سعيد بن ذياب العمري إذا كان هناك اغلاط في نقل القصيدة لهذا المنتدى

وعسى أن تعجب الجميع لكم مني اجمل التحايا