راحت تعالج من مرضها ولاجت = معقول ماترجع وهي أوعدتني
ماني مصدق لو يقولون ماتت = كيف وهي البارحة كلمتني ؟؟
قالت أكيد أنك لصوتي تشوقت = قلت آه كلك يالغلا شايقتني
اشتقت لك ولنظرتك حيل أنا اشتقت = ولهمستك ولبسمةٍ ساحرتني
ولمعانقك يا بعد عمري تولهت = وكلمة هلا حبي وربي وحشتني
قالت أحبك قلت أنا فيك مت = واللي يحفظك بالغلا مالكتني
قالت وتنسى صورتي قلت لا كـنت = ينساني الله كانها فارقتني
وهلت دموع الغالية ثم قالت = قالت أحس أن المنية لفتني
قاطعتها استغفري الله يا بنت = وعجزت أكمل عبرتي أخنقتني
قالت أبي منك الوعد لو أنا غبت = تحفظ مشاعر حب فيك جمعتني
قلت احفظه واحفظك دام أنا دمت = بس إرجعي فرقاك موت أرهقتني
قالت كذا يا نور عيني أنا ارتحت = والوعد باكر بعدها ودعتني
ياخوي قلي صدق انها توفت = وكيف وهي البارحة كلمتني؟؟!!