منتديات بني عمرو - عرض مشاركة واحدة - الضيف للاسبوع السابع ~~(الهاشم))~~ حياكم الله

11-29-2003, 09:18 PM

اقتباس:

الرسالة الأصلية كتبت بواسطة السيكا ميكا
بصراحه اخي الهاشم والكذب خيبه احس انك صرت كبير بنظري واحس برضه اني صرت يعني كذا ما ادري وش اقووول :
بس بصراحه من يوم طلع عندك خصووصيات ما تبي احد من المقربين لك يعرفونها احس انك فعلا مسووي جرائم حرب

ربنا يخيبك يله ، ياخي ترى مهم خخخخخخخخخخخخخخخخخ

بعدين اي جرائم ياخي

قبل ابدا اجاوب اولا بقلكم ليش السيكا متهمني هالتهم الشنعاء وبرضه راح اجاوب على اسئلته .

طبعا السيكا كان مخيم في الهافمون ايام العيد اتصل علي يوم الظهر وهذي المحادثه بنقلها لكم :

السيكا : الوووو

الهاشم : هلا وغلا سيكا كيفك

السيكا : بخير بس ياخي ابغى اقلك شي ....

الهاشم : امر اخوي ناقص شي قول لاتستحي <==== طيب الهاشم

السيكا : ياخي ابغى اسوي شي وابغى شورك

الهاشم : سم امر تدلل قول

السيكا : ياخي اخوياي مرسليني اجيب غدا وانا اكرههم وناوي اسوي فيهم مقلب .

الهاشم : اخي الكريم السيكا اتق الله هذول اخوياك ليش ياخي خلك طيب انت ليش اذيه اخيك المسلم ، يا اخي انس وقابل الاساءه بالاحسان .

السيكا : اقول انطم ناوي اسوي المقلب وشوف انا وش بسوي ، ياطويل العمر بروح اتغدى في المطعم وبلطعهم للعصر وبعدين باخذ علبه ملح ساسا وبنثره على الاكل .

الهاشم : ياخي حرام عليك ما يجوز حرام ، ليش يااخي الكريم السيكا تسوي هذي الشغلات الغير مقبوله في الاعراف الانسانيه . ياخي حرام عليك هم اكيد جايعين .

السيكا : اقول يالهاشم اصلا الشرهه علي الي انا شرتك بس انا راح اسويها .

الهاشم : حزيناً اخي السيكا انتبه فلعل يومك قريب واني اراك تنفرش اليوم .

خخخخخخخخخ ياخي اللغه العربيه كشخه

المهم
راح السيكا وسوى الي خطط عليه واكلوا اخوياه المقلب وهم جايعين يوم خلصوا مسكوه وضربوه ضرب وفي الاخير غطسوه في البحر وشرب مويه البحر .
وهذا كله لانه ماسمع كلامي .

طبعا هو حاقد علي ولهذا جاب هالاسئله الي شايفينها وتهجم علي
خخخخخخخخخ

بس راح اجاوب

اقتباس:

الرسالة الأصلية كتبت بواسطة السيكا ميكا
بصفتي المخبر والمحقق الفدرالي بهذه الضيافه اتقدماليك بعده اتهامات اتمنى ان تتقبلها بصدر رحب لاننا انا ومن معي من القروووب المنتدب من المنتدى واثقين من الاجوبه وعندنا جهاز التحسس للمشاعر من حيث المصداقيه او الغلو الكذب

امحق من تحقيق
بس ابشر من عيوناتي راح اجاوب بكل مصداقيه

اقتباس:

الرسالة الأصلية كتبت بواسطة السيكا ميكا
التهم الموجهه اليك :
* تواجدك باامريكا اثناء هجمات 11/ سبتمبر (وين كنت موجود اثناء تلك الحزه )

يوم 11سبتمبر كنت في مدينه خميس مشيط وفي نفس وقت التفجير وكنت عند بن حصوصه الي هو مركز للحاسب الالي وعندي شهود على ذلك .

خخخخخخخخخخ

اقتباس:

الرسالة الأصلية كتبت بواسطة السيكا ميكا

* لك علاقات داخليه مع اشخاص متهمين بمعرفتهم بخلايا ارهابيه

كل الي اعرفهم صالح العمري الي هو شغال في البحريه وهو الي اتوقع انه له علاقه بالخلايا والمنظمات الارهابيه
خخخخخخخخخخخخخ

اقتباس:

الرسالة الأصلية كتبت بواسطة السيكا ميكا

* تبحث دوما عن التميز واخبار الناس با انك الهاشم حتى لو كان ذالك في رئاسه خليه ارهابيه او ابتكار خطه للتفجير بـ TNT
*

وش اسوي غرر بي من قبل قائد احد التنظيمات الي هو برضه صالح العمري
وانا معك اني غلطان بس وش اسوي . غرر بي

اقتباس:

الرسالة الأصلية كتبت بواسطة السيكا ميكا

* التدخل دوما فيما لا يعنيك

هذي من الله ما نقدر نعدل فيها

اقتباس:

الرسالة الأصلية كتبت بواسطة السيكا ميكا

* البحث عن اسباب الفتنه وطرق تطويرها وايجاد افضل الطرق

هذا بالعكس انا دائما داعيه خير ولا ني داعيه حرب

ولا اصلا احب الشماته ولا احب النذاله

وتذكر يوم انا انصحك لا تتمنذل في اخوياك
وبعدين يوم جيتني باكياً تقول انك انضرب هل شمت فيك
حاشا لله بالعكس قمت اواسيك

اقتباس:

الرسالة الأصلية كتبت بواسطة السيكا ميكا

* تقلص اكثر من شخصيه بالمنتدى لكثره تواجدك بالنت ولانهم ما يعطونك وش بسبب بسيط مواضيع دائما بالقاع بلا نفع او اي مردود

والله ونا خوك مدري وش اقلك
بس صدقني ان السبب في رداءة المواضيع مشي معاك
اصلا كانت امي توصيني دايم وتقول
شوف يولدي من ساير الجربنان جرب عوده

ياخي كيف تبغى مواضيعي ترتقي وانت خويي
خخخخخخخخخخخ

بالنسبه للتقليص
هذي لها سبب وجيه

تقدر تشوف الرسائل الخاصه
كل ما اتعرف على واحد يقول تعرف السيكا
انا عن طيب نيه اقول ايه السيكا اخوي وحبيب قلبي
على طووول يسجل اعتزاله من المنتدى

وش تتوقع السبب !!!!!!!!!!

اقتباس:

الرسالة الأصلية كتبت بواسطة السيكا ميكا
* تحاول التطوير من العلمانيه بتحويل العولمه لكي تكون احد تلك الاسباب لتطويرها

قسم بالله لو اقعد لحد الفجر ما يتعدل هذا السؤال
ارجوا صياغته من جديد

وفي الاخير الله ياخذ نص وجهك قل امين على هذي الاسئله

قسم يجماعه ما سويت شي
لا تصدقونه

ولا هو انا الي بغيت اقتل الرجال خخخخخخخخخخخ

ولا هو انا الي احد يبغى يكلمني خخخخخخخخخخخخخخ

ولا هو انا الي دخلت البوفيه وقمت اخبص وفي الاخير شرهت اخوياي خخخخخخخخخخخخخ

ولا هو انا ..................

طبعا برضه مهو السيكا بس من دون حلفان
خخخخخخخخخخخخخخخ