حلم السراب

ياحلمي اللي صار بعيوني سراب .... خليتني لليأس واوهام السنين

رحلت ياحلمي وطولت الغياب .... وانا على نار المواجع والحنين

صبرت قلبي في غيابك لين شاب .... وأمني عيوني عسى شمسك تبين

ولاأنت ماحسبت لشجوني حساب .... ولاشعرت بحزن قلبي والأنين

عانيت في دنياي قسوه واغتراب .... ياما اشمتت فيني عيون اللايمين

ولارضا قلبي يحملك العتاب .... يجامل الأيام وتزين وتشين

يااعز حلم ٍ راق في عيني وطاب ....مسكنك عيني كل وقت وكل حين

افرح بشوفك والفرح لوغبت غاب .... ان رحت ولا جيت مقدارك ثمين .