ســـــر ياقلــــم

سر ياقلم واكتب على الطـرس طاروق == اقدح جزيل القاف واحـرق حريقـه
خانوق شعري خانق الـــروح خانـوق == واليا خنقني شيّـب القـاف ريقـه
يشوش راسي واقدح العــز بالشـوق == واشعل فخر مرهب لهايـب بريقـه
حاروق عزي محرق الـــــذل حـاروق == لابـو مسيـر الـذل لابـو لبيقـه
ياهل الوفـــا ماعاقكم بالوفاء عـــوق == انتم غـرام الجـود وانتـم غريقـه
(بقعاء) من اسمه للعدو ماخذه سـوق == اهل الشجاعـه منوّخيـن السبيقـه
حنـا بني عمر والمجد شامـخ الطـوق == الموت للي يعتـرض فـي طريقـه
ربعي على الفزعه براكيــــن وبــروق == تحرق جيوش(ن) قد تعسكر فريقـه
يشـــهد لنــا البارود والرمـح مـزروق == زرق الرماح اللـي تدامـى زريقـه
ماقلتها بمـــطافـق الــــلاش مطفـوق == صـدق المعانـي قلتهـا وا لحقيقـه

لا تــأسفن على غــــــــــدر الزمـان لطالما
رقصت على جثث الأســــــــود كــــــلابُ
لا تحسبنّها برقصها تعلو علـــــــى أسيادها
تبقى الأســـود أســــودُ والكــلاب كــــلابُ