رد: لنسجل مواقفنا ونتشارك قصصنا .. نفيد ونستفيد ونطقطق
لاني صاحبه الموضوع ببدأ انا
الموقف الذي دفعني لهذا الموضوع موقف عجبني جدا واثر فيني
احد الزميلات المتزوجات تأتي وهي على غير عادتها والعبره تخنقها وما تلبث تسترسل وهي تعتذر من افشاء سر بيتها امامنا
<<<< مايمديكم على الفصحى
(( مو من عادتها والا ياكثر هالحريم اللي يسبون بأزواجهم ليمن كرهنا العرس وسيرته ))
الموهم السالفه يا طويلين الاعمار ان زوجها ضاق من بنتها لانها ما تقوم على سنع الصباح ولانه مهوب صاحي الا باقي نايم كسر العصا على ظهر ذا البزر ام اربع سنين
(( قلت انا ليس على المجنون حرج ))
وتجي التعليقات والتعاطف والاسترسال الين وصلنا بالشوره لأنها تطلب الطلاق 00 وتروح لاهلها وتسفهه ووووووو اشياء وحكم مخبل
(( الله لايعيد بعض النصايح 00 استفت قلبك ياعاقل ))
تاسفت منا واخذت منديل وراحت تعدل شكلها وجتنا وقضينا اليوم وامنتنا ننسى اللي صار بس وييييييين ؟؟
السبت جتنا -- السالفه تقرقع بقلبي وانا ملقوفه لازم اسأل
قلتلها هااا وش سويتي وعلى لساني بقول هاا هزئتيه تناشبتي انتي واياه (اقصد تفاهمتي معاه حتى يعرف خطأه,,, وحده ماتفهم بالزواج ولا الرجال )
انا كنت اتوقع ان التفاهم بعد مايهدى والكلام في الموضوع هو الحل المثالي اذا توافقوني يانااااااااااس
شوفوا اش موقفها _-_- _ خلت بنتها تروح تعتذر من ابوها و الابو تاسف من بنته وزوجها جاء واعتذر منها على موقفه السخيف واعترف بالافتراء اللي سواه بضناه وقامت البنت يوم السبت مثل السلام عليكم بلا مشاكل وبلا صراخ ونسيت وجع الضرب
00000بس تذكرت تصحى عشان ما تنضرب
كنت اقول الحياه حلوه بس نفهمها _-_
الحين اقول الحياه حلوه بس نفهمها صح
وش رايكم بهالانسانه الرائعه اكيد مثلها قليل __--__ توافقوني
انا عجبني الموقف وانتم
|